டெல்லியில் பள்ளி சுவர் இடிந்து விழுந்து விபத்து - 4 பேர் படுகாயம்

டெல்லி: டெல்லியில் பள்ளியின் சுற்றுச் சுவர் இடிந்து விழுந்த விபத்தில் 4 பேர் படுகாயம் அடைந்துள்ளனர்.

டெல்லியில் ஆர்.எம்.எல். மருத்துவமனை அருகே உள்ள கேந்திரிய வித்யாலயா பள்ளியின் சுற்றுச்சுவர், இன்று காலை 11 மணி அளவில் திடீரென இடிந்து விழுந்தது. இந்த விபத்தில் பள்ளியில் அருகே பழம் விற்பவர்கள், சலூன் வைத்திருந்தவர்கள் என 4 பேருக்கு படுகாயம் ஏற்பட்டது.

தகவலறிந்து சம்பவ இடத்திற்கு விரைந்து வந்த தீயணைப்புப் படையினர் மீட்புப் பணியில் ஈடுபட்டனர். காயமடைந்தவர்கள் உடனடியாக மருத்துவமனையில் சேர்க்கப் பட்டனர். அங்கு அவர்களுக்கு தீவிர சிகிச்சை அளிக்கப் பட்டு வருகிறது.

இச்சம்பவத்தில் பள்ளி மாணவர்கள் யாருக்கும் காயம் ஏற்படவில்லை என பள்ளி நிர்வாகம் தெரிவித்துள்ளது.

சம்பவப்பகுதியை மத்திய கல்வித்துறை மந்திரி ஸ்மிரிதி இரானி நேரில் பார்வையிட்டார்.

English summary

A section of a boundary wall of Kendriya Vidyalaya near RML Hospital collapsed here today, leaving four persons injured.