எச்சூஸ்மி...இந்த லட்சுமியை நாடாளுமன்றத்துக்கு அனுப்புவீங்களா?: நடிகை ஹேமமாலினி

மதுரா: இந்த லட்சுமியை நாடாளுமன்றத்திற்கு அனுப்பி வையுங்கள் என்று நடிகை ஹேமமாலினி வாக்காளர்களிடம் கேட்டுள்ளார்.

நடிகை ஹேமமாலினி நாடாளுமன்ற தேர்தலில் உத்தர பிரதேச மாநிலம் மதுரா தொகுதியில் பாஜக சார்பில் போட்டியிடுகிறார். மதுரா தொகுதியில் நாளை மறுநாள் வாக்குப்பதிவு நடைபெறுகிறது.

அதனால் இன்றுடன் அங்கு பிரச்சாரம் ஓய்ந்தது. இறுதிக்கட்ட பிரச்சாரத்தின்போது ஹேமமாலினி பேசுகையில்,

லட்சுமி(செல்வம் தரும் கடவுள்) சைக்கிளிலோ(சமாஜ்வாடி கட்சியின் சின்னம்), யானையிலோ (பகுஜன் சமாஜ் கட்சி சின்னம்) வருவது இல்லை. தாமரையில் தான் வருகிறார் (பாஜகவின் சின்னம்). இதனால் இந்த லட்சுமியை நாடாளுமன்றத்திற்கு அனுப்பி வையுங்கள்.

நான் எப்பொழுதுமே இங்கு வீடு வாங்க நினைத்தேன். அது தற்போது நடக்கிறது. என் கணவர் தர்மேந்திரா எனக்காக வாக்கு சேகரிப்பதாக இருந்தார். ஆனால் அவரது உடல் நலம் பாதிக்கப்பட்டதால் அவர் பிரச்சாரத்திற்கு வரவில்லை என்றார்.

English summary

Mathura lok sabha constituency BJP candidate actress Hemamalini told that, "Laxmi (goddess of wealth) doesn't come on a cycle (Samajwadi party's election symbol), or on an elephant (BSP's election symbol), she comes on a lotus. Send this Laxmi to Parliament."