திருடர்களே ஜாக்கிரதை.. இந்த வருங்கால ஐபிஎஸ் அதிகாரி நிஜ ஸ்பைடர்மேன்.. படபடனு சுவர்ல ஏறிடுவாரு!

கான்பூரை சேர்ந்த 7 வயது சிறுவன் ஒருவன் எந்த பிடிமானமும் இல்லாமல் சுவரில் ஏறி அசரடித்து வருகிறான்.

Published: Wednesday, September 9, 2020, 16:31 [IST]

Subscribe to Oneindia Tamil

கான்பூர்: எந்த பிடிமானமும் இல்லாமல் சுவரில் ஏறி அசரடிக்கும் 7 வயது கான்பூர் சிறுவனை நிஜ ஸ்பைடர் மேன் என வர்ணிக்கின்றனர் உள்ளூர் மக்கள்.

Recommended Video

பிடிமானமே இல்லாமல் படபடவென சுவரில் ஏறும் 7 வயது சிறுவன்

சூப்பர் ஹீரோ கேரக்டர்களில் பெரும்பாலானோருக்கு பிடித்த கேரக்டர் ஸ்பைடர்மேன். கையில் இருந்து சிலந்தி வலைகளை பீய்ச்சி அடித்து, மதில்விட்டு மதில் தாவும் ஸ்பைடர்மேனின் சாகசங்களுக்கு ரசிகர்கள் அடிமை என்றே கூறலாம்.

ஸ்பைடர்மேன் கேரக்டரை பார்த்து நிஜ வாழ்விலும் பல சிறுவர்கள் அதுபோல் முயற்சிக்கிறார்கள். பல சமயங்களில் அது ஆபத்தாகவே முடிகிறது. ஆனால் கான்பூரை சேர்ந்த 7 வயது சிறுவன் ஒருவன், ஸ்பைடர் மேன் போலவே எந்த பிடிமானமும் இல்லாமல் மதில் மீது ஏறி அசர வைக்கிறான்.

ஸ்பைடர்மேன் ஆசை

கான்பூர் பள்ளியில் மூன்றாம் வகுப்பு படிக்கும் சிறுவன் யஷ்ரத் சிங் கவுருக்கு ஸ்பைடர்மேன் என்றால் கொள்ளை பிரியம். ஸ்பைடர்மேன் சுவரில் ஏறுவதைப் பார்த்து, தானும் அப்படி ஏறிப் பழக ஆரம்பித்திருக்கிறான் யஷ்ரத். முதலில் அவனது செயலை பார்த்து பெற்றோர் பயந்து போய் தடுத்திருக்கின்றனர்.

பயம் போய் ஊக்கம்

ஆனால் யஷ்ரத் விடாமல் சுவரில் ஏறி முயற்சிப்பதை கவனித்த பெற்றோர் ஒரு கட்டத்துக்கு பிறகு அவனை ஊக்கப்படுத்த ஆரம்பித்தனர். இதையடுத்து தொடர் பயிற்சியின் மூலம் எத்தனை பெரிய சுவரையும், எந்த பிடிமானமும் இல்லாமல் ஏற பழகிவிட்டான் யஷ்ரத்.

முயற்சி

"ஸ்பைடர்மேன் படத்தை பார்த்த பிறகு எனக்கும் அப்படி சுவர் ஏற வேண்டும் என ஆசை வந்தது. வீட்டில் அப்படி சுவர் ஏறி பயிற்சி செய்ய ஆரம்பித்தேன். முதலில் கீழே விழுந்துவிட்டேன். பிறகு தொடர் பயிற்சியின் மூலம் இப்போது நன்றாக சுவர் ஏற கற்றுக்கொண்டேன். என்னுடைய சகோதரன் இதை எல்லோரிடமும் கூறிவிட்டான்", என்று தனது சுவர் ஏறும் கதையை பற்றி கூறுகிறான் சிறுவன் யஷ்ரத்.

நிஜ ஸ்பைடர்மேன்

வருங்காலத்தில் ஐபிஎஸ் அதிகாரியாக வேண்டும் என்பது தான் யஷ்ரத்தின் கனவு. அதற்காக தன்னை இப்போதே உடல் அளவில் தயார்ப்படுத்தி வருவதாக கூறுகிறான் இந்த மூன்றாம் வகுப்பு மாணவன். யஷ்ரத்தின் இந்த சுவர் ஏறும் வீடியோக்களை பார்த்த உள்ளூர் மக்களும், நெட்டிசன்களும் அவனை நிஜ ஸ்பைடர்மேன் என்றே அழைக்கின்றனர்.

Published On September 9, 2020