உருவாகிறது சிவசேனா- மகா. நவநிர்மான் சேனா கூட்டணி? ராஜ் தாக்கரேயை சந்திக்கிறார் உத்தவ்!

மும்பை: பாரதிய ஜனதாவுடனான கூட்டணி முறிவடைந்த நிலையில் மகாராஷ்டிரா நவநிர்மான் சேனாவுடன் சிவசேனா கூட்டணி அமைக்கக் கூடும் என்று தகவல்கள் வெளியாகி உள்ளன.

25 ஆண்டுகாலமாக பாஜக- சிவசேனா கூட்டணி நீடித்து வந்தது. ஆனால் மகாராஷ்டிரா சட்டசபை தேர்தல் தொகுதிப் பங்கீட்டில் இரு கட்சிகளும் பிடிவாதம் காட்ட கூட்டணி உடைந்துவிட்டது.

இதனைத் தொடர்ந்து அதிரடியாக பாஜகவை, மகாராஷ்டிராவின் எதிரிகளாக சிவசேனா சாடியுள்ளது. இந்த நிலையில் ராஜ்தாக்கரேயின் மகாராஷ்டிரா நவநிர்மான் சேனாவுடன் பாஜக கூட்டணி அமைக்கலாம் என்றும் கூறப்பட்டது.

ஆனால் தற்போது உடல்நலம் பாதிக்கப்பட்டுள்ள நவநிர்மான் சேனாவின் தலைவர் ராஜ்தாக்கரேயை சிவசேனா தலைவர் உத்தவ் தாக்கரே நேரில் சந்திக்க இருப்பதாக தகவல்கள் வெளியாகி உள்ளன.

கூட்டணி பிரச்சனையை மகாராஷ்டிரா, மராத்தி பிரச்சனையாக சிவசேனா முன்னெடுத்துச் செல்வதால் நவநிர்மான் சேனாவுடன் சிவசேனா கூட்டணி அமைக்க வாய்ப்பு இருக்கிறது என்றே கூறப்படுகிறது.

English summary

Sources saida that indications of Shiv Sena-MNS alliance and Uddav goes to meet Raj Thackeray.