சரியான ஃபைட் கொடுத்தாருய்யா.. ராகுலை புகழ்ந்து தள்ளும் சிவ சேனா!
குஜராத்தில் பாஜகவுக்கு காங்கிரஸ் டஃப் கொடுத்ததாக ராகுல்காந்தியை சிவ சேனா கட்சி புகழ்ந்து தள்ளியுள்ளது.
Recommended Video
மும்பை: குஜராத்தில் பாஜகவுக்கு காங்கிரஸ் கடுமையான டஃப் கொடுத்ததாக ராகுல்காந்தியை சிவ சேனா கட்சி புகழ்ந்து தள்ளியுள்ளது.
குஜராத் மற்றும் இமாச்சல் பிரதேச சட்டசபைகளுக்கு அண்மையில் தேர்தல் நடைபெற்று முடிந்தது. இதில் பதிவான வாக்குகளை எண்ணும் பணி இன்று நடைபெற்றது.
இதன்படி இருமாநிலங்களிலும் பாஜகவின் வெற்றி உறுதியாகியுள்ளது. இருப்பினும் தொடக்கத்தில் பாஜகவுக்கு காங்கிரஸ் கட்சி இரு மாநிலங்களிலும் கடும் போட்டி கொடுத்தது.
ஒரு கட்டத்தில் முந்தியது
தொடக்கத்தில் முன்னிலை வகித்த பாஜக போக போக காங்கிரஸுடன் சமநிலைக்கு வந்து போட்டி போட்டது. ஒரு கட்டத்தில் காங்கிரஸ் பாஜகவை முந்தியது.
பாஜக வெற்றி உறுதி
இதனால் பெரும் எதிர்பார்ப்பு எழுந்தது. இருப்பினும் 2 தொகுதிகளிலும் பாஜக வெற்றி உறுதி செய்யப்பட்டுவிட்டது.
ராகுலுக்கு புகழாரம்
குஜராத் மற்றும் ஹிமாச்சலில் ஆட்சியமைக்கவுள்ள பாஜகவுக்கு அக்கட்சி தலைவர்கள் மற்றும் கூட்டணி கட்சிகள் வாழ்த்து தெரிவித்து வருகின்றனர். இந்நிலையில் பாஜக கூட்டணி கட்சியான சிவசேனா, காங்கிரஸ் கடுமையான போட்டி கொடுத்ததாக அக்கட்சியின் தலைவர் ராகுல் காந்தியை புகழ்ந்துள்ளது.
நெருக்கடி கொடுத்தார்
இதுதொடர்பாக கருத்து தெரிவித்துள் சிவசேனா தலைவர் உத்தவ் தாக்கரே 47 வயதான அமேதி எம்பி, பழமையான ஒரு கட்டத்தில் பெருமைமிகுந்த பழமையான ஒரு கட்சியை நெருக்கடியில் தள்ளினார் என புகழாரம் சூட்டினார்.
சேனாவின் பிரச்சார பீரங்கி
சிவ சேனாவின் பிரச்சார பீரங்கியானா சாமனா நாளிதழ் ராகுல்காந்திக்கு வாழ்த்து தெரிவித்து தலையங்கம் வெளிட்டுள்ளது. அதில் ஒரு நெருக்கடியான கட்டத்தில் ராகுல்காந்தி காங்கிரஸ் கட்சியின் தலைவராக பொறுப்பெற்றுள்ளார் என கூறப்பட்டுள்ளது.
வாழ்த்துவதில் ஆட்சேபனை இல்லை
அவருக்கு வாழ்த்து தெரிவிப்பதில் எந்த ஆட்சேபனையும் இல்லை என்றும் அந்த தலையங்கத்தில் தெரிவிக்கப்பட்டுள்ளது. பாஜகவுடன் கூட்டணியில் இருக்கும் சிவசேனா எதிர்க்கட்சியான காங்கிரஸை புகழ்ந்திருப்பது சர்ச்சையை ஏற்படுத்தியுள்ளது.
Click it and Unblock the Notifications
Sign in with Google