குஜராத்தில் டிரைலர், ராஜஸ்தான் இடைவேளை.. 2019ல் பாஜகவுக்கு இருக்கு கிளைமேக்ஸ்: சிவசேனை கடும் தாக்கு

இனி வரும் தேர்தல்கள் பாஜகவின் கிளைமாக்ஸை முடிவு செய்து விடும் என்று சிவசேனை கட்சி பகிரங்கமாக தெரிவித்துள்ளது

By Dakshinamurthy

Published: Friday, February 2, 2018, 16:10 [IST]

Subscribe to Oneindia Tamil

மும்பை: பாஜகவிற்கு குஜராத் தேர்தல் டிரைலர், ராஜஸ்தான் தேர்தல் அதிரடி இடைவேளை, 2019-ல் படத்தின் கிளைமாக்ஸ் காண்பிக்கப்படும் என்று பாஜக மீது சிவசேனை கடுமையாக விமர்சனம் செய்துள்ளது.

நடப்பாண்டுக்கான பட்ஜெட்டை ஜேட்லி நேற்று தாக்கல் செய்த நிலையில், இது அப்பட்டமான பொது தேர்தலுக்கான பட்ஜெட் என சிவசேனா கட்சி பகிரங்கமாகவே விமர்சனம் செய்தது. மேலும், அதனால்தான் பெரும் நிறுவனங்களில் கவனம் செலுத்தி வந்த மத்திய அரசு, இப்போது விவசாயிகள், சுகாதாரம், கல்வித் துறைகளில் கவனத்தை செலுத்தி உள்ளது என்றும் சிவசேனை கட்சி தெரிவித்தது.

குஜராத் தேர்தல் முடிவின் மூலமாக மக்களிடம் மாற்றம் ஏற்பட்டுள்ளதை உணர்ந்த மத்திய அரசு, ராஜஸ்தான் தேர்தல் முடிவின் மூலம் அதனை உறுதி செய்துள்ளதாக தெரிவித்துள்ளது.

மேலும் குஜராத் தேர்தல் டிரைலர் என்றால், ராஜஸ்தான் தேர்தல் அதிரடியான இடைவேளை என்றும் சிவசேனா கட்சி தலைவர் சஞ்சய் ராவத் குறிப்பிட்டுள்ளார்.

மேலும் பாஜக என்ற படத்தின் கிளைமாக்ஸ் வரும் தேர்தல்களில் தெரிந்து விடும் என்றும், பாஜகவை மக்கள் வீட்டிற்கு அனுப்ப முடிவெடுத்து விட்டனர் என்றும் அவர் தெரிவித்தார்.

2019 -ம் ஆண்டு தேர்தலில் சிவசேனை தனியாக போராடும் என்று எங்கள் தீர்மானத்தில் நிறைவேற்றப்பட்டது என்றும் அதனை மறுபரிசீலனை செய்யும் பேச்சுக்கே இடமில்லை என்றும் சஞ்சய் ராவத் தெரிவித்தார். ஒரு முறை விட்ட அம்பு மறுமுறை வில்லுக்கு திரும்புவதில்லை என்றும் அவர் கூறினார்.

Published On February 2, 2018