ஸ்மிருதி இரானியை மோடியின் 2வது மனைவி என்று கூறிய காங். எம்.எல்.ஏ.. பாஜக கொந்தளிப்பு
குவஹாத்தி: பிரதமர் மோடியின் 2-வது மனைவி மத்திய அமைச்சர் ஸ்மிருதி இரானி என சிலர் பேசிக் கொள்வதாக அஸ்ஸாம் மாநில முன்னாள் அமைச்சரும் எம்.எல்.ஏ.வுமான நிலாமனி சென் டேகா பேசியிருப்பது கடும் சர்ச்சையை கிளப்பியுள்ளது. அவருக்கு எதிராக பா.ஜ.க.வினர் அஸ்ஸாம் மாநிலம் முழுவதும் போராட்டத்தில் ஈடுபட்டு வருகின்றனர்.
அஸ்ஸாம் மாநில முன்னாள் வேளாண்துறை அமைச்சர் நிலாமனி சென் டேகா. இவர் நல்பாரி மாவட்டத்தில் பொதுக்கூட்டம் ஒன்றில் நேற்று பேசுகையில், பிரதமர் மோடியின் 2-வது மனைவிதான் மத்திய அமைச்சர் ஸ்மிருதி இரானி என சிலர் பேசிக் கொள்கிறார்கள் எனக் கூறியிருந்தார்.
இது பா.ஜ.க.வை கடும் ஆத்திரமடைய வைத்துள்ளது. இது குறித்து கருத்து தெரிவித்த பா.ஜ.க. பொதுச்செயலர் ராம் மாதவ், ஸ்மிருதி இரானி குறித்த வெட்கக் கேடான விமர்சனம் இது என்றார்.
அஸ்ஸாம் மாநில பா.ஜ.க. தலைவர் சர்பானந்தா சோனோவால், காங்கிரஸ் கட்சியினர் மனம் எவ்வளவு அழுக்கானது என்பதை வெளிப்படுத்துகிறது; உடனடியாக அவரை காங்கிரஸ் கட்சியில் இருந்து டிஸ்மிஸ் செய்ய வேண்டும் என்றும் வலியுறுத்தினார்.
அத்துடன் அஸ்ஸாம் முழுவதும் நிலாமனி சென் டேகாவுக்கு எதிராக பா.ஜ.க.வினர் தொடர்ந்து ஆர்ப்பாட்டங்களை நடத்தி வருகின்றனர்.
Click it and Unblock the Notifications
Sign in with Google