• search
For Quick Alerts
ALLOW NOTIFICATIONS  
For Daily Alerts

தென்மேற்கு பருவ மழை அந்தமானில் தொடங்கியது: தமிழகத்தில் வெப்பம் குறைய வாய்ப்பு

By Mayura Akilan
|

அந்தமான்: அந்தமான் தீவுப் பகுதிகளில் தென்மேற்கு பருவ மழை கடந்த சில தினங்களுக்கு முன் தொடங்கியுள்ளது. தீவுகள் முழுவதும் மழை தீவிரமடைந்துள்ள நிலையில், தமிழகத்தில் வெப்பத்தின் அளவு குறைய வாய்ப்பு உள்ளது என்று வானிலை ஆய்வு மையம் தெரிவித்துள்ளது.

இதுகுறித்து வானிலை ஆராய்ச்சி மைய அதிகாரிகள் கூறியதாவது:-

தென்வங்க கடலில் சில பகுதிகளிலும், அந்தமான் கடல் பகுதிகளிலும் தென்மேற்கு பருவமழை சனிக்கிழமை தொடங்கியது. இந்த மழை முன்னேற்றம் அடைந்து அந்தமான் முழுவதும் பரவியுள்ளது.

இதனால் அடுத்த 24 மணி நேரத்தில் தெற்கு மற்றும் கிழக்கு வங்க கடலில் சில பகுதிகளிலும், எஞ்சியுள்ள அந்தமான் கடல் மற்றும் அந்தமான் தீவுகளிலும் பரவலாக மழை பெய்யும். அந்தமான் பகுதியில் கடல் சீற்றத்துடன் காணப்படும்.

தமிழகத்தில் மழை

தமிழகத்தில் மழை

வெப்பசலனத்தினால் தமிழகத்தின் உள்மாவட்டங்களில் ஒரு சில இடங்களில் கடந்த 2 நாட்களாக மழை பெய்து வருகிறது. கடந்த 24 மணிநேரத்தில் அதிகபட்சமாக ஓசூரில் 2 சென்டி மீட்டர் மழை பெய்தது.

24 மணிநேரத்திற்கு மழை

24 மணிநேரத்திற்கு மழை

தேன்கனிக்கோட்டை, ஓமலூரில் தலா 2 சென்டி மீட்டர், சூளகிரி, போச்சம்பள்ளி, வேப்பந்தட்டை, வாழப்பாடி, மங்களாபுரம் ஆகிய பகுதிகளில் தலா 1 சென்டி மீட்டர் அளவில் மழை பெய்துள்ளது. தொடர்ந்து அடுத்த 24 மணி நேரத்தில் தமிழகத்தில் ஒரு சில இடங்களில் மழை பெய்ய வாய்ப்பு உள்ளது.

அக்னி நட்சத்திரம்

அக்னி நட்சத்திரம்

இம்மாத தொடக்கத்தில் அரபிக்கடலில் தீவிர காற்றழுத்த பகுதி மையம் கொண்டிருந்ததால் தமிழ்நாடு, புதுச்சேரியில் மழை பெய்தது. இதனால் கடந்த 4-ந்தேதி கத்திரி வெயில் என்ற அக்னிநட்சத்திரம் தொடங்கியும் வெப்பத்தின் அளவு குறைந்து காணப்பட்டது.

வெயிலின் தாக்கம்

வெயிலின் தாக்கம்

அக்னிநட்சத்திரம் தொடங்கி முதல் பாதியான 12 நாட்கள் வெப்பத்தின் அளவு அதிகரிப்பதும், பிற்பாதியான 12 நாட்கள் வெப்பத்தின் அளவு குறைவதும் வழக்கம். அந்தவகையில் நடப்பாண்டு அக்னிநட்சத்திரம் தொடங்கி முதல் பாதியான 12 நாட்கள் முடிவடைந்துள்ள நிலையில் வெப்பத்தின் அளவு குறைந்தே காணப்பட்டது.

வெயிலே தெரியாதாம்

வெயிலே தெரியாதாம்

அக்னி நட்சத்திரம் முடிய 9 நாட்கள் மட்டுமே இருக்கும் நிலையில் பருவ நிலையிலும் சில மாற்றங்கள் காணப்படுவதால் வெயிலின் தாக்கம் அதிகம் இல்லாமல் வெப்பத்தின் அளவு படிப்படியாக குறைந்து, இதமான வெயில் அடிக்க வாய்ப்பு உள்ளது என்று வானிலை ஆய்வு மைய அதிகாரிகள் தெரிவித்துள்ளனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
The southwest monsoon has further advanced into remaining parts of Andaman sea, some more parts of southeast Bay of Bengal and some parts of east central Bay of Bengal.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more