ஒத்த ரன் எடுத்தாலும் கோஹ்லிக்கு பிறந்தநாள் வாழ்த்துச் சொல்ல தவறாத ரசிகர்கள்

மொகாலி: கிரிக்கெட் வீரர் விராட் கோஹ்லி தென்னாப்பிரிக்காவுக்கு எதிரான டெஸ்ட் போட்டியின் முதல் நாளில் ஒரு ரன் மட்டுமே எடுத்திருந்தாலும் ஸ்டேடியத்தில் கூடியிருந்த ரசிகர்கள் அவருக்கு உற்சாகமாக பிறந்தநாள் வாழ்த்து பாடல் பாடினர்.

இந்தியா-தென்னாப்பிரிக்கா இடையேயான டெஸ்ட் போட்டியின் முதல் நாள் ஆட்டம் மொகாலியில் உள்ள ஐ.எஸ். பந்த்ரா ஸ்டேடியத்தில் வியாழக்கிழமை நடைபெற்றது. அன்றைய தினம் கிரிக்கெட் வீரர் கோஹ்லி தனது 27வது பிறந்தநாளை கொண்டாடினார்.

அவர் நேற்று பேட்டிங் செய்ய வந்தபோது ஸ்டேடியத்தில் இருந்த ரசிகர்கள் அவருக்கு உற்சாக வரவேற்பு அளித்தனர். அத்தகைய வரவேற்புக்கு இடையே மைதானத்திற்கு வந்த கோஹ்லி ஒரு ரன் எடுத்த நிலையில் அவுட்டானார்.

அவர் ஒரு ரன் மட்டுமே எடுத்து அவுட்டானதால் ரசிகர்கள் ஏமாற்றம் அடைந்தனர். இருப்பினும் அவர்கள் கோஹ்லிக்கு பிறந்தநாள் வாழ்த்து தெரிவிக்க தவறவில்லை. ஸ்டேடியத்தில் உள்ள பெரிய திரையில் ரசிகர்களின் பிறந்தநாள் வாழ்த்துச் செய்திகள் காண்பிக்கப்பட்டது.

இந்தியாவின் வைரம் விராட் கோஹ்லிக்கு பிறந்தநாள் வாழ்த்துக்கள் என அன்ஷ் பன்சால் என்பவர் தெரிவித்த வாழ்த்துச் செய்தி பெரிய திரையில் காண்பிக்கப்பட்டது.

முன்னதாக இந்திய கிரிக்கெட் அணி வீரர்கள் கோஹ்லிக்கு நேரிலும், ட்விட்டரிலும் வாழ்த்து தெரிவித்தனர். மேலும் உடை மாற்றும் அறையில் கோஹ்லிக்கு கேக் வெட்டி அவரது பிறந்நதாளை சக வீரர்கள் கொண்டாடியுள்ளனர்.

English summary

Indian Test skipper Virat Kohli may have disappointed on the batting front on Day 1 of the first Test against South Africa, but that did not deter the fans to sing the birthday tune for the star cricketer, who turned 27 on Thursday.