இந்துத்துவா கொள்கைகளுக்காக "விராட் ஹிந்துஸ்தான் சங்கம்".. தொடங்கினார் சு.சுவாமி

டெல்லி: இந்துத்துவா கொள்கைகளை செயல்படுத்துவதற்காக விராட் ஹிந்துஸ்தான் சங்கம் என்ற புதிய இந்துமதவாத அமைப்பை பாரதிய ஜனதாவின் சுப்பிரமணியன் சுவாமி தொடங்கியுள்ளார்.

இது தொடர்பாக சுப்பிரமணியன் சுவாமி செய்தியாளர்களிடம் கூறியதாவது:

ராமர் கோயில் கட்டுவது உள்ளிட்ட இந்துத்துவா பிரச்னைகளில் பாஜகவுக்கு இந்த அமைப்பு அழுத்தம் தரும். மேலும் இது சங் பரிவார் அமைப்புடன் சேர்ந்து பணியாற்றும்.

அடுத்த ஆண்டு ஜனவரி 1-ந் தேதி முதல் ராமர் கோயில் பிரச்னையைக் கையில் எடுக்க உள்ளோம். இந்தப் பிரச்னையில் முஸ்லிம்கள் மசூதி கட்டுவதற்கு சரயு நதிக்கரைப் பகுதியில் ஓர் இடத்தை ஒதுக்கிவிடலாம்.

இதுதொடர்பான நீதிமன்ற வழக்குகள் மற்றும் இந்தப் பிரச்னையில் அரசுக்கு அழுத்தம் தருவது ஆகியவற்றின் மூலம் அடுத்த ஆண்டு இறுதிக்குள் இந்தப் பிரச்னையை முடிவுக்குக் கொண்டு வருவோம் என்று நம்புகிறோம்.

பாரதிய ஜனதாவின் தேர்தல் வாக்குறுதிகளில் ஒன்று அரசியலமைப்புச் சட்டம் 370-ஐ ஒழிப்பது. வரும் 2019 ஆம் ஆண்டு நடைபெறும் லோக்சபா தேர்தலுக்குள் அதனை அரசு நிறைவேற்ற வேண்டும் என்று நாங்கள் வலியுறுத்துகிறோம்.

எங்களின் இந்த அமைப்பு இந்துக்களுக்கு மட்டுமானது அல்ல. இந்து பாரம்பரியத்தை ஒப்புக்கொள்ளும் முஸ்லிம்களுக்கும் இந்த அமைப்பில் இடம் உண்டு.

இவ்வாறு சுப்பிரமணியன் சுவாமி கூறினார்.

English summary

BJP member Subramanian Swamy on Wednesday once again raked up the 'Hindustan-is-for-Hindus' controversy. Launching a new Hindutva outfit, Swamy said science had proven that the DNA of Hindus and Muslims in India was the same and that Hindustan was for those who were Hindus.