குஜராத்தில் ஆட்சியை தக்க வைத்துக் கொள்ளும் பாஜக... சிஎன்என் எக்ஸிட் போல்

குஜராத் சட்டசபை தேர்தலில் பாஜக ஆட்சியை தக்க வைத்துக் கொள்ளும் என்று சிஎன்என் எக்ஸிட் போல் கருத்து கணிப்பு தெரிவித்துள்ளது.

காந்திநகர்: குஜராத் சட்டசபை தேர்தலில் பாஜக அமோக வெற்றி பெறும் என்று சிஎன்என் நியூஸ் 18 கருத்து கணிப்பில் தெரியவந்துள்ளது.

குஜராத் மாநிலத்தில் கடந்த 9 மற்றும் 14 -ஆம் தேதிகளில் இரண்டு கட்டங்களாக சட்டசபை தேர்தல் நடைபெற்றது. மொத்தம் 182 தொகுதிகள் கொண்ட இந்த மாநிலத்தில் தற்போது பாஜக ஆட்சி நடைபெறுகிறது.

இந்த மாநிலத்திலும் தற்போதைய ஆட்சியின் பதவிக்காலம் வரும் ஜனவரியுடன் முடிவடைகிறது. இந்நிலையில் இரு கட்டங்களாக நடைபெற்ற தேர்தலின் முடிவுகள் வரும் 18-ஆம் தேதி வெளியானது.

இது குறித்து சிஎன்என் நியூஸ் 18 செய்தி நிறுவனம் தேர்தலுக்கு பிந்தைய கருத்து கணிப்பை நடத்தியது. அதன்படி பொருளாதார நிபுணர் சுர்ஜித் பால்லா கணிப்பின் படி பாஜக 125 இடங்களில் வெற்றி பெற்று ஆட்சியை தக்க வைத்துக் கொள்ளும்.

காங்கிரஸ் கட்சியோ வெறும் 57 இடங்களில் மட்டுமே வெற்றி வெறும் என்று கணித்துள்ளது. இவர்களை தவிர மற்ற எந்த கட்சிகளும் ஒரு தொகுதியில் கூட வெற்றி பெறாது என்கிறது இவரது கணிப்பு.

English summary

Economist and psephologist Surjit Bhalla has predicted a comfortable win for BJP in Gujarat , according to CNN-News18.