இந்தியாவில் வாழ பெஸ்ட் நகரம் பெங்களூர், வொர்ஸ்ட் டெல்லி

டெல்லி: உலக அளவில் வாழ சிறந்த நகரங்கள் பட்டியலில் 171வது இடத்தில் உள்ள பெங்களூர் இந்தியாவில் வாழ சிறந்த நகரம் என்று ஆய்வில் தெரிய வந்துள்ளது.

உலக அளவில் வாழ சிறந்த நகரங்கள் எவையெவை என்பது பற்றி இசிஏ இன்டர்நேஷனல் என்ற நிறுவனம் ஆய்வு நடத்தியது. அந்நிறுவனம் ஆண்டுதோறும் இந்த ஆய்வை நடத்தி வாழச் சிறந்த நகரங்கள் பட்டியலை வெளியிட்டு வருகிறது.

இந்த ஆண்டு பட்டியலின் விவரம் வருமாறு,

பெங்களூர்

இசிஓ பட்டியலில் இந்திய நகரங்களில் பெங்களூருக்கு 171வது இடமும், சென்னை, மும்பை ஆகிய நகரங்களுக்கு 182வது இடமும், டெல்லிக்கு 204வது இடமும் கிடைத்துள்ளது.
இந்தியாவில் வாழ சிறந்த நகரம் பெங்களூர் தான்.

டெல்லி

இந்தியாவில் வாழ மிகவும் மோசமான நகரம் என்றால் அது டெல்லி தான் என்பது ஆய்வில் தெரிய வந்துள்ளது.

சிங்கப்பூர்

உலக அளவிலும், ஆசியாவிலும் வாழ மிகச் சிறந்த நகரம் சிங்கப்பூர். சிங்கப்பூரை அடுத்து சிட்னி, அடிலெய்ட் நகரங்கள் உள்ளன.

எதை வைத்து

வானிலை, சுகாதார வசதிகள், உள்கட்டமைப்பு, தனிநபர் பாதுகாப்பு, அரசியல் பதற்றம், காற்றின் தரம் உள்ளிட்டவற்றை வைத்து தான் வாழ சிறந்த நகரங்களில் பட்டியல் தயாரிக்கப்பட்டுள்ளது.

பீஜிங்

டெல்லி மற்றும் சீனாவில் உள்ள பீஜிங் ஆகிய நகரங்களில் காற்றின் தரம் படுமோசமாக இருப்பது ஆய்வில் தெரிய வந்துள்ளது.

English summary

Bengaluru is the most livable city in the country, followed by Mumbai and Chennai, a survey said. In India, Bengaluru, ranked 171st globally, scores most favourably followed by Mumbai and Chennai both ranked 182nd.