இன்னா பிரதர் நீங்க.. உங்க வீட்டு ஃபிரிட்ஜ் ரிப்பேரானா நான் இன்னா பண்றது.. சுஷ்மா செம!

டெல்லி: மத்திய வெளியுறவுத்துறை அமைச்சர் சுஷ்மா சுவராஜ் டிவிட்டரில் தனது வீட்டு ஃபிரிட்ஜ் சரியாக வேலை செய்யாதது குறித்து கூறிய ஒருவருக்கு, நான் மனிதர்களின் பிரச்சினை குறித்துத்தான் கவலைப்பட முடியும். ஃபிரிட்ஜ் ரிப்பேரானா நான் என்ன பண்றது என்று பதிலளித்து கலகலக்க வைத்துள்ளார்.

சுஷ்மா சுவராஜ் டிவிட்டரிலும் ஆக்டிவாக இயங்கி வருபவர். வெளிநாடுகளில் சிக்கலில் மாட்டிக் கொள்ளும் இந்தியர்கள் பலரும் டிவிட்டர் மூலமாக சுஷ்மாவின் உதவியை நாடி பலன் அடைந்துள்ளனர்.

@irvpaswan @SushmaSwaraj Dear Ministers, @Samsung_IN sold me a defective refrigerator, they r not ready to replace pic.twitter.com/G87Jwh6slD

— Venkat (@M_VenkatM) June 13, 2016

இந்த நிலையில் ஒரு கலகலப்பான உரையாடல் சுஷ்மாவின் டிவிட்டர் பக்கத்தில் நடந்துள்ளது. வெங்கட் என்பவர் சுஷ்மாவிடம் டிவிட்டர் மூலமாக ஒரு உதவி கோரியிருந்தார். கூடவே இன்னொரு மத்திய அமைச்சர் ராம் விலாஸ் பாஸ்வானின் உதவியையும் அவர் நாடியிருந்தார்.

அதில் அவர், அன்பு அமைச்சர்களே, நான் சாம்சங் நிறுவனத்தின் ரெப்ஜிரிரேட்டரை வாங்கியிருந்தேன். அது பழுதாக உள்ளது. ஆனால் மாற்றித் தர மாட்டேன் என்கிறார்கள் என்று கூறியிருந்தார் வெங்கட்.

Brother I cannot help you in matters of a Refrigerator. I am very busy with human beings in distress. https://t.co/cpC5cWBPcz

— Sushma Swaraj (@SushmaSwaraj) June 13, 2016

இந்த டிவிட்டுக்கு மின்னல் வேகத்தில் பதிலளித்துள்ளார் சுஷ்மா. அதில் அவர், பிரதர், என்னால் ரெப்ஜிரேட்டர் விஷயத்தில் எல்லாம் உதவ முடியாது. நான் சிக்கலில் இருக்கும் மனிதர்களுக்கு உதவுவதில் நான் ரொம்ப பிசியாக இருக்கிறேன் என்று கூறியுள்ளார்.

செம!

English summary

External affairs minister Sushma Swaraj has replied with cool to a person who sought her help to get repair his Fridge.