தமிழ்நாடு, புதுவையில் 54%, சென்னையில் 77% அதிக மழை - வானிலை ஆய்வு மையம்

By BBC News தமிழ்

Updated: Thursday, November 11, 2021, 20:31 [IST]

Subscribe to Oneindia Tamil

BBC

Tamilnadu , Puducherry 54 percent, Chennai 77 percent rain: weather department

தென்மேற்கு வங்கக் கடல் பகுதியில் உருவாகியுள்ள காற்றழுத்தத் தாழ்வு மண்டலம் தற்போது சென்னைக்கு தென்கிழக்கில் சுமார் 100 கிலோ மீட்டர் தொலைவில் நிலை கொண்டுள்ளது என்று இந்திய வானிலை ஆய்வு மையம் தெரிவிட்டுள்ளது. இது மதியம் ஒரு மணியளவிலான தகவல்.

இந்தக் காற்றழுத்தத் தாழ்வு மண்டலம் தொடர்ந்து மேற்கு வடமேற்கு திசையில் நகர்ந்து தெற்கு ஆந்திரம் - வட தமிழகக் கடற்கரை பகுதியில் சென்னை அருகே கடந்து செல்லும் என்று இந்திய வானிலை ஆய்வுத் துறையின் சென்னை மண்டல ஆய்வு மைய இயக்குநர் பாலச்சந்திரன் தெரிவித்துள்ளார்.

ஆபத்தில் சென்னை; காலநிலை மாற்றம் தமிழ்நாட்டில் ஏற்படுத்தவிருக்கும் தாக்கம் என்ன?

வானிலை ஆய்வு மையத்தின் செய்தியாளர் சந்திப்பில் அவர் தெரிவித்த முக்கியத் தகவல்கள் இதோ.

வடகிழக்கு பருவமழையைப் பொறுத்தவரையில் கடந்த 1ஆம் தேதி முதல் இன்று வரையான காலகட்டத்தில் தமிழகம் மற்றும் புதுவையில் பதிவான மழையளவு 40 சென்டிமீட்டர். இந்த காலகட்டத்தில் இயல்பு அளவு 26 சென்டிமீட்டர். இதுவரை பெய்துள்ள மழை 54 சதவீதம் இயல்பை விட அதிகம்.
சென்னை மாவட்டத்தை பொறுத்தவரையில் கடந்த ஆம் தேதி1 முதல் இன்று வரையான காலகட்டத்தில் பதிவான மழையளவு 74 சென்டி மீட்டர். இந்த காலகட்டத்தில் இயல்பான மழை அளவு 42 சென்டிமீட்டர். இது வழக்கத்தைவிட 77 சதவீதம் அதிகம்.
தால் திருவள்ளூர், சென்னை,,காஞ்சிபுரம், செங்கல்பட்டு, விழுப்புரம், மாவட்டங்களின் கரையோரப் பகுதிகளில் தரைக் காற்று 40 முதல் 45 கிலோ மீட்டர் வேகத்தில் வீசக்கூடும்.
காற்றழுத்தத் தாழ்வு மண்டலம் கரையைக் கடக்கும்போது வட கடலோர மாவட்டங்கள் மற்றும் தென் தமிழக கடலோர பகுதிகளில் சூறாவளி காற்று மணிக்கு 40 முதல் 50 கிலோ மீட்டர் வேகத்தில் வீசக்கூடும். எனவே மீனவர்கள் தமிழக கடற்கரை கடலோரப் பகுதிகளுக்கு இன்றும் நாளையும் செல்ல வேண்டாம் என்று அறிவுறுத்தப்படுகிறார்கள்.
இந்தக் காற்றழுத்தத் தாழ்வு மண்டலம் மேலும் வலுவடைவதற்கான வாய்ப்பு தற்போதைய நிலையில் இல்லை. கரையைக் கடக்கும்போது இப்போதைய அளவு வலுவுடனே இருக்கும் என்று கணிக்கப்பட்டுள்ளது.
மழை முன்னறிவிப்பு பொருத்தவரையில் சென்னை மற்றும் புறநகரை பொறுத்தவரை அடுத்து வரும் 24 மணி நேரத்தில் கனமழை, மிக கனமழை பெய்யக்கூடும் சில பகுதியில் அதி கனமழை இருக்கக்கூடும்.
இன்று (நவம்பர் 11) சென்னை, திருவள்ளூர், காஞ்சிபுரம், ராணிப்பேட்டை, மாவட்டங்களில் ஓரிரு இடங்களில் அதி கனமழையும், வேலூர், திருப்பத்தூர், திருவண்ணாமலை, விழுப்புரம், செங்கல்பட்டு மாவட்டங்களில் ஓரிரு இடங்களில் கன முதல் மிக கனமழையும், தர்மபுரி, ஈரோடு, கிருஷ்ணகிரி, சேலம், கள்ளக்குறிச்சி மாவட்டங்களில் ஓரிரு இடங்களில் கனமழையும், பிற வட மாவட்டங்கள் மற்றும் புதுவை - காரைக்கால் பகுதிகளில் பெரும்பாலான இடங்களில் மிதமான மழை பெய்யக்கூடும் தென்மாவட்டங்களில் லேசானது முதல் மிதமான மழை பெய்யக்கூடும்.
கடந்த 24 மணி நேரத்தில் தமிழ்நாட்டில் பரவலாக மழை பெய்துள்ளது. அதிகபட்சமாக தாம்பரத்தில் 23 சென்டி மீட்டரும் சோழவரத்தில் 22 சென்டி மீட்டரும் பதிவாகியுள்ளது.
கடந்த 24 மணி நேரத்தில் தமிழகம் மற்றும் புதுவையில் அதி கனமழை மூன்று இடங்களிலும்,. மிக கனமழை 23 இடங்களிலும், கனமழை 21 இடங்களிலும் பதிவாகி உள்ளது.
நாளை 12 (நவம்பர் 12) நீலகிரி, கோயம்புத்தூர், கன்னியாகுமரி மாவட்டங்களில் ஓரிரு இடங்களில் கனமழை பெய்யக்கூடும். பிற மாவட்டங்கள் மற்றும் புதுவை - காரைக்கால் பகுதிகளில் அனேக இடங்களில் லேசானது முதல் மிதமான மழை பெய்யக்கூடும்.

பிற செய்திகள்:

சமூக ஊடகங்களில் பிபிசி தமிழ் :