"ஈவ்டீசிங்"கை தடுத்த டான்ஸ் டீச்சர் சுட்டுக் கொலை.. ஜார்கண்டில்!

ஜாம்ஷெட்பூர்: ஜார்கண்ட் மாநிலத்தில் தனது மாணவியை ஈவ் டீசிங் செய்தவர்களைத் தடுத்த நடன ஆசிரியரை மர்ம நபர்கள் துப்பாக்கியால் சுட்டுக் கொன்ற சம்பவம் அதிர்ச்சியை ஏற்படுத்தியுள்ளது.

ஜார்கண்ட் மாநிலம் சாந்திநகரைச் சேர்ந்த 19 வயது மாணவர் சுமித் கோராய். இம்மாணவர் நடன ஆசிரியராகவும் உள்ளார்.

இந்நிலையில், நேற்று மாலை சுமித் தனது மாணவர்களை வீட்டில் விட்டு விட்டு திரும்பிக் கொண்டிருந்தார். அப்போது இரு சக்கர வாகனத்தில் வந்த மர்ம நபர்கள் அவரைத் துப்பாக்கியால் சுட்டனர்.

இதில் படுகாயமடைந்த சுமித் சிகிச்சைக்காக மருத்துவமனையில் அனுமதிக்கப் பட்டார். அங்கு சிகிச்சைப் பலனின்றி பரிதாபமாக அவர் உயிரிழந்தார்.

சுமித்தின் மாணவியை சிலர் ஈவ்டீசிங் செய்ததாகவும், அதனை தடுத்ததாலேயே அவர் சுட்டுக் கொல்லப்பட்டதாகவும் தகவல்கள் தெரிவிக்கின்றன.

இது தொடர்பாக வழக்குப் பதிவு செய்துள்ள போலீசார், குற்றவாளிகளைத் தேடி வருகின்றனர்.

English summary

A 19-year-old dance teacher was shot dead this evening by an unknown assailant probably for protesting against teasing of one of his students by the accused, police said.