டெஹல்கா தேஜ்பால் விவகாரம்: கோவா ஹோட்டல் லிப்டில் 'சிசிடிவி' கேமரா இல்லை!

பனாஜி: டெஹல்கா ஆசிரியர் தேஜ்பால் பெண் பத்திரிகையாளரிடம் தகாத முறையில் நடந்து கொள்ள முயற்சித்ததாக கூறப்படும் லிப்டில் கண்காணிப்பு கேமரா பொருத்தப்படவில்லை என்பது தெரியவந்துள்ளது.

சக பெண் பத்திரிகையாளரை டெஹல்கா ஆசிரியர் தேஜ்பால் பாலியல் தொந்தரவுக்குள்ளாக்கிய சம்பவம் நாடு முழுவதும் பெரும் அதிர்வலைகளை ஏற்படுத்தியுள்ளது. கோவா போலீசார் வழக்கு பதிவு செய்திருக்கின்றனர். அத்துடன் டெல்லிக்கும் சென்று விசாரணை நடத்தி வருகின்றனர்.

இந்நிலையில் பெண் பத்திரிகையாளருக்கு பாலியல் தொந்தரவு கொடுத்ததாக கூறப்படும் கோவா ஹோட்டல் லிப்டில் பொருத்தப்பட்ட கேமராவை ஆராய போலீசார் முடிவு செய்தனர். ஆனால் ஹோட்டலில் பல இடங்களில் கேமராக்கள் பொருத்தப்பட்டிருந்தாலும் லிப்டில் கேமரா இல்லாதது போலீசாருக்கு கடும் அதிர்ச்சியை ஏற்படுத்தியுள்ளது.

கேமரா பொருத்தப்படாமலேயே இருந்ததா? அல்லது கேமரா பொருத்தப்பட்டு சம்பவத்துக்குப் பின் கழற்றப்பட்டதா? என்பது குறித்தும் போலீசார் விசாரித்து வருகின்றனர்.

English summary

In another shocking turn to the Tehelka sexual assault case, now the DIG of Goa Police has told the press that the elevator, inside which Tejpal allegedly accosted the victim, has no CCTV cameras. “The lobbies and aisles of the hotel are fitted with CCTV cameras. But there are no cameras inside the elevators,” a reporter told CNN IBN.