24 ஆண்டுகளில் வேறு எந்த கட்சியும் செய்யாத பாஜகவின் விஸ்வரூப சாதனை இதுதான்!

கடந்த 24 ஆண்டுகளில் நாட்டிலேயே அதிக எம்.எல்.ஏக்களை கொண்ட கட்சி என்ற பெருமிதத்துடன் தற்போது இருக்கிறது பாஜக.

By Lakshmi Priya

Published: Tuesday, March 21, 2017, 18:05 [IST]

Subscribe to Oneindia Tamil

டெல்லி: நாடு முழுவதும் 1,382 எம்.எல்.ஏ.க்களைக் கொண்ட கட்சியாக பாஜக விஸ்வரூபமெடுத்துள்ளது. 1993-ம் ஆண்டுக்கு பின்னர் நாட்டில் முதல் முறையாக பாஜக மட்டுமே இவ்வளவு எம்.எல்.ஏ.க்களைக் கொண்ட காட்சியாக வளர்ந்துள்ளது.

1990களுக்குப் பின்னர் பாஜக விஸ்வரூபமெடுத்து வளர்ந்து வருகிறது. நாட்டின் பல மாநிலங்களின் பாஜகவின் தாமரை மலர்ந்துள்ளது.

அறுதிப் பெரும்பான்மை பற்றியெல்லாம் கவலைப்படுவதில்லை பாஜக. குதிரைப் பேரங்களை கையிலெடுத்து ஆட்சியை கைப்பற்றுவதையே பிரதான இலக்காக கொண்டு செயல்படுகிறது பாஜக.

சட்டசபை தேர்தல்கள்.....

அண்மையில் நடைபெற்ற உத்தரப்பிரதேசம், உத்தரகாண்ட் ஆகிய மாநில சட்டசபை தேர்தல்களில் பாஜக அறுதிப் பெரும்பான்மையை பெற்று அரியணை ஏறியது. ஆனால் மணிப்பூர், கோவா சட்டசபை தேர்தல்களில் இரண்டாம் இடத்துக்கு தள்ளப்பட்டாலும் உதிரிக் கட்சிகளின் துணை கொண்டு ஆட்சியை பிடித்துள்ளது.

1993-ல் 1501 எம்.எல்.ஏக்கள்

தற்போது நாடு முழுவதும் பாஜகவுக்குத்தான் மிக அதிகமான எம்.எல்.ஏக்கள் உள்ளனர் என்ற பெருமை கிடைத்துள்ளது. கடந்த 1993-ம் ஆண்டு காங்கிரஸ் கட்சிக்கு மொத்தம் 1501 எம்.எல்.ஏக்கள் இருந்தனர். அதன்பின்னர் ஆனால் நிலைமை தலைகீழாகிவிட்டது.

இன்று 813 தான்...

காங்கிரஸ் கட்சியின் வரலாற்றிலேயே இல்லாத அளவுக்கு வெறும் 813 எம்.எல்.ஏக்கள்தான் தற்போது உள்ளனர். பாஜகவைப் பொறுத்தவரையில் முதன் முதலாக 2014-ம் ஆண்டுதான் 1,000 எம்.எல்.ஏக்களைத் தாண்டியது.

2016,17-ல் ஏறுமுகம்

அதன்பின்னர் பீகார் தேர்தலில் தோல்வியைத் தழுவிய நிலையில் இந்த எண்ணிக்கையில் சரிவு ஏற்பட்டது. இருப்பினும் 2016 மற்றும் 2017 சட்டசபை தேர்தலில் பாஜகவுக்கு ஏறுமுகம்தான்.

1,382 எம்.எல்.ஏக்கள்

நாடு முழுவதும் பாரதிய ஜனதா கட்சிக்கு தற்போது 1,382 எம்எல்ஏ-க்கள் உள்ளனர். அதே நேரத்தில் நாட்டிலேயே ஒரு பாஜக எம்.எல்.ஏ. கூட இல்லாத மாநிலம் என்ற பெருமையைப் பெற்றுள்ளது நமது தமிழகம் என்பதும் குறிப்பிடத்தக்கது.

Published On March 21, 2017