ஆகஸ்ட் 9ம் தேதிக்குள் தமிழக பாஜக தலைவர் யார் என தெரியும்: முரளிதரராவ்
டெல்லி: வரும் 9ம் தேதிக்குள் தமிழக பாஜக தலைவர் அறிவிக்கப்படுவார் என்று அக்கட்சியின் மாநில பொறுப்பாளர் முரளிதரராவ் தெரிவித்துள்ளார்.
இது குறித்து தமிழக பாஜக பொறுப்பாளரான முரளிதரராவ் டெல்லியில் செய்தியாளர்களிடம் கூறுகையில்,
பாஜக தலைமையிலான தேசிய ஜனநாயக கூட்டணி மத்தியில் ஆட்சிக்கு வந்ததும் ஆட்சி அமைப்பு, பட்ஜெட் போன்ற பணிகளில் கட்சி தீவிரமாக இருந்தது. கட்சியின் தேசிய தலைவராக அமித் ஷா கடந்த 9ம் தேதி நியமிக்கப்பட்டார். இதையடுத்து இனி மாநிலங்களுக்கு முக்கியத்துவம் அளிக்கப்படும். தமிழக பாஜகவின் அடுத்த தலைவர் வரும் 9ம் தேதிக்குள் நிச்சயம் நியமிக்கப்படுவார் என்றார்.
தமிழக பாஜக தலைவராக இருந்த பொன். ராதாகிருஷ்ணன் மத்திய அமைச்சர் ஆனதால் மாநில தலைவர் பதவிக்கு புதியவரை நியமிக்க வேண்டி உள்ளது. தலைவர் பதவிக்கு பல்வேறு நபர்களின் பெயர்கள் பரிசீலிக்கப்பட்டு வருகிறது. இந்நிலையில் வரும் 9ம் தேதிக்குள் புதிய தலைவர் யார் என்பது தெரிய வரும் என்பது குறிப்பிடத்தக்கது.
Click it and Unblock the Notifications
Sign in with Google