துணை இயக்குனரின் தலையை இரும்புக் கம்பியால் பிளந்த பெண் ஃபேஷன் டிசைனர்
ஹைதராபாத்: டோலிவுட்டின் பிரபல ஆடை வடிவமைப்பாளரான மங்கா ரெட்டி துணை இயக்குனர் சரத்குமாரை தாக்கியுள்ளார்.
டோலிவுட்டின் முன்னணி ஆடை வடிவமைப்பாளர் மங்கா ரெட்டி. அவரும் வளர்ந்து வரும் துணை இயக்குனர் சரத் குமார் என்பவரும் பலகாலமாக நண்பர்களாம். அவர்கள் தினமும் செல்போனில் பேசிக் கொள்வார்களாம். இந்நிலையில் கடந்த வியாழக்கிழமை இரவும் அவர்கள் செல்போனில் பேசியுள்ளனர். அப்போது சரத் ஆபாசமாக மெசேஜ் அனுப்பியதாக கூறப்படுகிறது.
இதையடுத்து மங்கா ரெட்டி கிஷன் என்பவரை அழைத்துக் கொண்டு பஞ்சரா ஹில்ஸ் பகுதியில் உள்ள சரத் குமாரின் வீட்டிற்கு வந்துள்ளார். அவர் சரத் குமாரை திட்டியதுடன் இரும்புக் கம்பியால் அவரின் தலையில் தாக்கியுள்ளார். இதில் காயம் அடைந்த சரத் குமார் மருத்துவமனையில் அனுமதிக்கப்பட்டுள்ளார்.
இது குறித்து சரத் பஞ்சரா ஹில்ஸ் காவல் நிலையத்தில் புகார் அளித்தார். அவர் புகார் அளித்த வேகத்தில் மங்காவும் காவல் நிலையத்திற்கு வந்து சரத் மீது புகார் அளித்தார். சரத் தனக்கு செல்போனில் ஆபசமாக மெசேஜ் அனுப்பியதாகவும் அவரை தட்டிக் கேட்க அவரின் வீட்டிற்கு சென்றபோது அவர் தன்னை தாக்க வந்ததாகவும் அவர் தெரிவித்துள்ளார்.
தன்னை தாக்க வந்த சரத்தை தள்ளிவிட்டபோது அவர் வாஷிங் மெஷின் மீது மோதி அவர் தலையில் காயம் ஏற்பட்டது என்று மங்கா தெரிவித்துள்ளார். சரத் மங்காவுடன் அடிக்கடி செல்போனில் பேசி வந்ததும், அவரின் குறைகளை அவ்வப்போது சுட்டிக் காட்டி வந்ததும் முதல்கட்ட விசாரணையில் தெரிய வந்துள்ளது.
Click it and Unblock the Notifications
Sign in with Google