மொபைல் ரோமிங் கால்களுக்கு 35%- எஸ்.எம்.எஸ்.க்கு 80% கட்டணம் குறைக்க பரிந்துரை!!

மும்பை: மொபைல்களில் இருந்து மேற்கொள்ளப்படும் ரோமிங் கால்களுக்கான கட்டணம் 35%-ம் எஸ்.எம்.எஸ்.களுக்கான கட்டணம் 80%-மும் குறைக்க தொலைத்தொடர்பு ஒழுங்குமுறை ஆணையமான டிராய் பரிந்துரைத்துள்ளது.

இது தொடர்பாக டிராய் முன்வைத்துள்ள பரிந்துரைகள்:

மொபைல்களில் இருந்து மேற்கொள்ளப்படும் ரோமிங் கால்களுக்கு தற்போது ஒரு நிமிடத்துக்கு ரூ1 என்று நிர்ணயிக்கப்பட்டுள்ளது. இது ஒரு நிமிடத்துக்கு 65 பைசாவாக குறைக்கலாம்.

அதேபோல் எஸ்.டி.டி. கால்களுக்கான கட்டணத்தை ஒரு நிமிடத்துக்கு ரூ1.50- என்பது ரூ1 ஆகக் குறைக்கலாம்.

இன்கமிங் கால்களுக்கு ஒரு நிமிடத்துக்கு 75 பைசா என்பது இனி 45 பைசாவாக இருக்கலாம். எஸ்.டி.டி. எஸ்.எம்.எஸ்களுக்கு தற்போது ரூ1.50 கட்டணம் நிர்ணயிக்கப்பட்டுள்ளது. இது இனி 25 பைசாவாக அதாவது 80% குறைக்கலாம்.

பொதுவாக எஸ்.எம்.எஸ். கட்டணம் ரூ1 என்று இருப்பதை இனி அதிகபட்சமாக 20 பைசாவாக இருக்கலாம் என்றும் பரிந்துரைக்கப்பட்டுள்ளது.

இந்த பரிந்துரைகள் மீதான கருத்துகள் மார்ச் 13-ந் தேதி ஆராயப்பட்டு அதன் பின்னர் இறுதி உத்தரவு பிறப்பிக்கப்படும்.

இவ்வாறு டிராய் தெரிவித்துள்ளது.

English summary

Mobile subscribers can look forward to lower charges as telecom regulator Telecom Regulatory Authority of India (TRAI) has proposed a sharp cut of about 35 per cent for making calls and up to 80 per cent for sending messages while roaming.