அடேங்கப்பா.. வங்கத்தை மொத்தமாக அள்ளும் தீதி.. பாஜக நிலைமை பரிதாபம்தான்.. ETG ரிசர்ச் எக்ஸிட் போல்!

Published: Thursday, April 29, 2021, 21:24 [IST]

Subscribe to Oneindia Tamil

கொல்கத்தா: மேற்கு வங்கத்தில் திரிணாமுல் காங்கிரஸ் 164 முதல் 176 வரையிலான இடங்களை பெற்று அமோக வெற்றி பெறும் என்று ETG ரிசர்ச் நடத்திய கருத்து கணிப்பில் தெரிவித்துள்ளது.

கருத்து கணிப்பு சொல்வது என்ன?

ஏற்கனவே தேர்தல் முந்தைய கருத்து கணிப்புகள் வெளியிடப்பட்டன. ஒரு சில கருத்து கணிப்புகள் மம்தா பானர்ஜியின் திரிணாமுல் காங்கிரஸ் மீண்டும் வெற்றி பெற்று ஆட்சி அமைக்கும் என்று தெரிவித்தன. வேறு சில கருத்து கணிப்புகள் பாஜக-திரிணாமுல் காங்கிரஸ் இடையே பலத்த போட்டி நிலவும் என்று தெரிவித்தன.
தேர்தலுக்கு பிந்தைய கருத்து கணிப்புகள் தற்போது வெளியிடப்பட்டு வருகின்றன.

மம்தா மீண்டும் ஆதிக்கம்

இந்த நிலையில் ETG ரிசர்ச் வெளியிட்ட தேர்தலுக்கு பிந்தைய கருத்து கணிப்பில் மம்தா பானர்ஜியின் திரிணாமுல் காங்கிரஸ் மீண்டும் சொல்லியடித்து வெற்றியை தொடர்ந்து தக்க வைக்கும் என்று கூறுகிறது. . திரிணாமுல் காங்கிரஸ் 164 முதல் 176 வரையிலான இடங்களை பெற்று மம்தா மீண்டும் முதல்வராக பொறுப்பேற்பார் என்று தெரிவித்துள்ளது. பாஜக 105 முதல் 115 இடங்களை பெற்று தோல்வியை சந்திக்கும் என்று கருத்து கணிப்புகள் கூறுகிறது. ஆனால் பரிதாபமாக காங்கிரஸ், இடதுசாரிகள் கட்சிகள் 10 முதல் 15 இடங்களை மட்டுமே பெறும் என்று கருத்து கணிப்பு தெளிவாக காட்டுகிறது.

கடந்த தேர்தல் எப்படி?

இதன் மூலம் மம்தா மீண்டும் மேற்கு வங்கத்தை தட்டி தூக்குகிறார் என்று கருத்து கணிப்பு காட்டுகிறது. 2016-ம் ஆண்டு சட்டசபை தேர்தலில் மம்தா பானர்ஜி கட்சி 211 இடங்களை பெற்று மிகப்பெரிய வெற்றியை ஈட்டியது. அந்த வகையில் பார்த்தால் மம்தாவுக்கு இப்போது கிடைக்கும் 176 இடங்கள் மூலம் அவர் 35 இடங்களை பறிகொடுக்கிறார் என்பது தெளிவாகிறது.

பாஜக வாய்ப்பை தவற விட்டது

கடந்த தேர்தலில் 3 இடங்களை மட்டுமே பாஜகவுக்கு தற்போது 115 இடங்களை பெறும் என்றும் கடந்த தேர்தலை விட 109 இடங்களை அதிகமாக அந்த கட்சி பெறுகிறது. என்றும் கருத்து கணிப்புகள் கூறுகின்றன. இன்று வெளியிடப்பட்ட அனைத்து எக்ஸிட் போல் முடிவுகளும் மம்தா மீண்டும் வெற்றி பெறுவார் என்பதை காட்டுவது குறிப்பிடத்தக்கது.

Published On April 29, 2021