சசிகலா பிறந்தநாள்... பெங்களூரு சிறைக்கு போன தினகரன், திவாகரன்

சிறையில் உள்ள சசிகலாவை சந்திக்க டிடிவி தினகரனும், திவாகரனும் இன்று பெங்களூரு சென்றுள்ளனர்.

பெங்களூரு: சசிகலாவின் 63வது பிறந்தநாளான இன்று வாழ்த்து தெரிவிக்கவும், தமிழக அரசியல் நிலவரம் குறித்து ஆலோசிக்கவும் டிடிவி தினகரன் பெங்களூரு பரப்பன அக்ரஹாரா சிறைக்கு சென்றுள்ளார்.

சசிகலாவின் சகோதரர் திவாகரனும் இன்று சசிகலாவை சந்தித்து வாழ்த்து கூற பெங்களூரு சென்றுள்ளார்.

ஆகஸ்ட் 18ஆம் தேதியன்று சசிகலா தனது பிறந்தநாளை மிக எளிமையாகவே கொண்டாடுவார். ஒவ்வொரு ஆண்டும் சசிகலாவின் பிறந்தநாளுக்கு முதல் ஆளாக வாழ்த்து சொல்லி பரிசு கொடுப்பாராம் அவரது உயிர் தோழி ஜெயலலிதா.

ஜெயலலிதா இந்த ஆண்டு உயிரோடு இல்லை என்பது மிகவும் சோகமான விசயம். அதோடு அதிமுக பொதுச்செயலாளரான பின்னர் வரும் முதல் பிறந்தநாளை சசிகலா சிறையில் கொண்டாடும்படி நேர்ந்து விட்டது. சசிகலாவிற்கு இது 63வது பிறந்தநாளாகும்.

அதிமுக அணிகள் இணைப்பு பேச்சுவார்த்தை தீவிரமடைந்துள்ளது. தமிழக அரசியல் பரபரப்பான கட்டத்தை எட்டியுள்ளது. இந்த சூழ்நிலையில் சசிகலாவை சந்திக்க டிடிவி தினகரன் சென்றுள்ளார். அதே நேரத்தில் திவாகரனும் சசிகலாவை சந்திக்க சிறைக்கு சென்றுள்ளார்.

சசிசலா சிறையில் இருந்தாலும் முதன் முறையாக நமது எம்ஜிஆர் நாளிதழில் 9 அதிமுக எம்எல்ஏக்கள் சசிகலாவை வாழ்த்தி விளம்பரம் கொடுத்துள்ளனர்.

பெங்களூரு சிறையில் உள்ள சசிகலாவை சந்தித்த பின்னர் தினகரன் அளிக்கும் பேட்டியில் அணுகுண்டு வெடிக்கும் என்று எதிர்பார்க்கலாம்.

English summary

TTV Dinakaran reaches Parappana Agrahara central prison in Bengaluru to meet Sasikala on her birthday.