டெல்லியில் கனமழை.. போக்குவரத்து நெரிசலில் சிக்கிய அமெரிக்க வெளியுறவுத்துறை அமைச்சர்!

டெல்லி: டெல்லியில் பல்வேறு பகுதிகளில் பெய்த கன மழை காரணமாக கடும் போக்குவரத்து நெரிசல் ஏற்பட்டது. இதனிடையே அமெரிக்க அமைச்சர் ஜான் கெர்ரி டெல்லி விமான நிலையத்தில் இருந்து வெளியே வர முடியாமல் தவித்து வருவதாக தகவல்கள் தெரிவிக்கின்றன.

டெல்லியில் நேற்று காலை முதல் பல்வேறு பகுதிகளில் கனமழை பெய்தது. இதனால் பல முக்கிய இடங்களில் கடும் போக்குவரத்து நெருக்கடி ஏற்பட்டது. சாலைகளில் சிக்கி கொண்ட வாகனங்கள் மெல்ல மெல்ல ஊர்ந்து சென்றதால் பொதுமக்களும், வாகன ஓட்டிகளும் மிகுந்த சிரமத்திற்கு ஆளாகின்ர்.

இதனிடையில் அமெரிக்க அமைச்சர் ஜான் கெர்ரி டெல்லி விமான நிலையத்தில் இறங்கிய பின்பு கடுமழையால் ஏற்பட்ட போக்குரவத்து நெருக்கடி காரணமாக, விமான நிலையத்தில் இருந்து வெளியே வர முடியாமல் தவித்து வருவதாகவும் தகவல்கள் தெரிவிக்கின்றன. மேலும் இன்றும் மழை தொடரும் என அறிவிக்கப்பட்டிப்பதால், இதே போன்ற போக்குவரத்து நெருக்கடி ஏற்படலாம் என டில்லி வாழ் மக்கள் அச்சமடைந்துள்ளனர்.

English summary

US Secretary of State, John Kerry arrived in New Delhi, his convoy was stuck in traffic jam after heavy rains poured in the city.