இருக்கும் வேலையை விட்டுவிட்டு புதிய வேலையைத் தேடத் தூண்டும் நீண்ட விடுப்பு
டெல்லி: நீண்ட நாட்கள் விடுப்பு எடுத்துச் செல்லும் ஊழியர்கள் மீண்டும் பணிக்கு திரும்பியதும் வேறு வேலையில் சேர விரும்புகிறார்களாம்.
ஆன்லைனில் வேலை தேடும் இணையதளத்தில் வேலை தேடிய 1,200 பேரிடம் ஒரு கணக்கெடுப்பு நடத்தப்பட்டது. அதில் 70 சதவீதம் பேர் நீண்ட விடுப்பு எடுத்த பிறகு மீண்டும் பணிக்கு வரும்போது வேறு வேலைக்கு செல்லவே விரும்பவது தெரிய வந்துள்ளது.
இது குறித்து மான்ஸ்டர் டாட் காமின் வேலைவாய்ப்பு நிபுணர் மேரி எல்லன் ஸ்லேடர் கூறுகையில்,
நீண்ட விடுப்பு எடுப்பது தினசரி வேலைகளில் இருந்து ஓய்வு அளிப்பதுடன் மனதை ரிலாக்ஸாக வைக்க உதவுகிறது. மேலும் நேரத்தை உங்களுக்கு பிடித்தது போன்று செலவிட முடியும். விடுப்பில் செல்கையில் வாழ்க்கையில் முன்னேறத் தேவையான பல முக்கிய முடிவுகளை எடுக்கத் தேவையான மனத் தெளிவு ஏற்படுகிறது.
பெரும்பாலானோர் விடுப்பு முடியும்போது அதிக ஆதாயமுள்ள புதிய வேலையைத் தேடத் துவங்கிவிடுகிறார்கள். மேலும் விடுப்பு முடிந்து பணிக்கு வந்தால் கிடப்பில் போடப்பட்ட பணிகள் குவிந்திருக்கும். இது கூட வேறு வேலை தேட முக்கிய காரணமாக உள்ளது என்றார்.
Click it and Unblock the Notifications
Sign in with Google