டெல்லி முதல்வர் கேஜ்ரிவாலுடன் வைகோ சந்திப்பு.. 'பொதுவாழ்வு பொன்விழா' நிகழ்ச்சிக்கு அழைப்பு

By Veera Kumar

Updated: Wednesday, November 4, 2015, 16:20 [IST]

Subscribe to Oneindia Tamil

டெல்லி: மறுமலர்ச்சி திராவிட முன்னேற்றக்கழக பொதுச்செயலாளர் வைகோ, டெல்லி முதல்வர் அரவிந்த் கேஜ்ரிவாலை இன்று சந்தித்து தனது பொதுவாழ்வு பொன்விழா நிகழ்ச்சிக்கு வருகைதருமாறு அழைப்புவிடுத்தார்.

இதுகுறித்து மதிமுக வெளியிட்டுள்ள செய்திக்குறிப்பு: ஆம் ஆத்மி கட்சியின் தலைவரும், டெல்லி முதல்வருமான அரவிந்த் கேஜ்ரிவால் அவர்களை மறுமலர்ச்சி தி.மு.க. பொதுச்செயலாளர் வைகோ அவர்கள் இன்று மதியம் சந்தித்தார்.

இருவரும் 30 நிமிடங்கள் பேசினர். அப்போது, 2016ம் ஆண்டு பிப்ரவரி 09ம் தேதி நடைபெறும், தமது அரசியல் பொதுவாழ் பொன்விழா மாநாட்டில் கலந்துகொள்ள வைகோ அழைப்பு விடுத்தார். விழாவுக்கு வருவதாக கேஜ்ரிவால் அவர்கள் தெரிவித்தார். இவ்வாறு அந்த செய்திக்குறிப்பு தெரிவிக்கிறது.