டெல்லியில் ரூ.80 கோடிக்கு சொகுசு பங்களா வாங்கிய கோஹ்லி

டெல்லி: கிரிக்கெட் வீரர் விராட் கோஹ்லி மேற்கு டெல்லியில் உள்ள பஞ்சாபி பாக் பகுதியில் சொகுசு பங்களா ஒன்றை வாங்கியுள்ளார்.

கிரிக்கெட் வீரர் விராட் கோஹ்லி தனது தாய் மற்றும் அண்ணனுடன் மேற்கு டெல்லியில் உள்ள பாஷிம் விஹாரில் 3 பெட்ரூம் வீட்டில் வசித்து வருகிறார். அவருக்கு மீரா பாக் பகுதியிலும் வீடு உள்ளது.

இந்நிலையில் கோஹ்லி மேற்கு டெல்லியில் உள்ள பஞ்சாபி பாக் பகுதியில் சொகுசு பங்களா ஒன்றை வாங்கியுள்ளார். அந்த பங்களாவின் மதிப்பு ரூ.75 முதல் 80 கோடி வரை இருக்கும் என்று கூறப்படுகிறது.

சொகுசு பங்களாவில் குடியேறும் முன்பு அதை தனக்கு பிடித்தது போன்று மாற்றியமைக்க உள்ளார். பெரும்பாலான கிரிக்கெட் வீரர்கள் தெற்கு டெல்லியில் வசிக்க விரும்புகையில் கோஹ்லி மேற்கு டெல்லியை தேர்வு செய்துள்ளார்.

கிரிக்கெட் வீரர்கள் வீரேந்திர சேவாக், ஆசிஷ் நெஹ்ரா ஆகியோர் தெற்கு டெல்லியில் உள்ள ஹவுஸ் காஸ் பகுதியில் வசித்து வருகிறார்கள் என்பது குறிப்பிடத்தக்கது.

English summary

Cricketer Virat Kohli has bought a posh bungalow in West Delhi's Punjabi Bagh area.