டைம் நாளிதழின் செல்வாக்குள்ள 100 மனிதர்களின் பட்டியல்.. கிங் கோஹ்லி இடம்பிடித்தார்!

பிரபல டைம் நாளிதழ் வெளியிட்டு இருக்கும் 2018ம் ஆண்டுக்கான உலகின் செல்வாக்குள்ள 100 மனிதர்களின் பட்டியலில் இந்திய அணியின் கேப்டன் கோஹ்லி இடம்பெற்று இருக்கிறார்.

டெல்லி: பிரபல டைம் நாளிதழ் வெளியிட்டு இருக்கும் 2018ம் ஆண்டுக்கான உலகின் செல்வாக்குள்ள 100 மனிதர்களின் பட்டியலில் இந்திய அணியின் கேப்டன் கோஹ்லி இடம்பெற்று இருக்கிறார்.

பிரபல டைம் நாளிதழ் வருடாவருடம், அந்த ஆண்டுக்கான உலகின் செல்வாக்குள்ள 100 மனிதர்களின் பட்டியலை வெளியிடும். அதற்கு முந்தைய வருடம் மிகவும் சிறந்து விளங்கியவர்களும், அந்த வருடம் மிகவும் சிறப்பாக இருப்பார்கள் என்று எதிர்பார்க்கப்படுபவர்களும், உலகின் முக்கியமான மாற்றத்தை ஏற்படுத்தியவர்களும் இடம்பெறுவார்கள்.

இந்த வருடத்திற்கான பட்டியல் தற்போது வெளியாகி இருக்கிறது. வடகொரியா அதிபர் கிம், டென்னிஸ் வீரர் ரோஜர் பெடரர், நிகழ்ச்சி தொகுப்பாளர் ஜிம்மி கெம்மல், மைக்ரோசாப்ட் சிஇஓ சத்யா நாடெல்லா, நடிகை தீபிகா படுகோன், பாடகி ரிஹானா, சவுதியின் முடி இளவரசர் முகமது பின் சல்மான், கனடா அதிபர் ஜஸ்டின் ட்ரூடோ, அமெரிக்க அதிபர் டிரம்ப் ஆகியோர் இடம்பெற்று இருக்கிறார்கள்.

இதில் கோஹ்லியும் இடம்பெற்று இருக்கிறார். இந்த வீடியோவை சச்சின் தன்னுடைய பக்கத்தில் ஷேர் செய்து கோஹ்லியை வாழ்த்தியுள்ளார். அதற்கு கோஹ்லியும் நன்றி தெரிவித்து இருக்கிறார்.

See all the 2018 #TIME100 honorees in under a minute https://t.co/ppzdOe0ckQ pic.twitter.com/dyTCJ9na05

— TIME (@TIME) April 19, 2018

இந்த 100 பேரில் இந்தியாவை சேர்ந்த ஒரே ஒரு விளையாட்டு வீரர் கோஹ்லி மட்டுமே என்பது குறிப்பிடத்தக்கது. அதோடு இதில் ரோஜர் பெடரர், கோஹ்லி மட்டுமே அமெரிக்காவை சேராத இரண்டு விளையாட்டு வீரர்கள். இந்திய சினிமா உலகில் இருந்து தீபிகா படுகோன் மட்டுமே இதில் இடம்பெற்றுள்ளார்.

English summary

Team India skipper Virat Kohli on Friday (April 20) has featured in Time Magazine's 100 Most Influential People's List in 2018. The India cricketer who was named the ICC cricketer of the year 2017 for a tremendous season is one of the six sportspersons to be included in the prestigious list.