மோடி பிரதமராவதை நான் பார்க்க வேண்டும்... லதா மங்கேஷ்கர் பேச்சு
புனே: குஜராத் முதல்வர் நரேந்திர மோடி பிரதமர் பதவிக்கு வர வேண்டும். அதை நான் பார்க்க ஆவலாக உள்ளேன் என்று பழம்பெரும் பாடகி லதா மங்கேஷ்கர் கூறியுள்ளார்.
புனேவில் 600 படுக்கைகளுடன் கூடிய தீனானாத் மங்கேஷ்கர் சூப்பர்ஸ்பெஷாலிட்டி மருத்துவமனை திறப்பு விழா நடந்தது.
இதில் மோடி கலந்து கொண்டார். தீனானாத், லதா மங்கேஷ்கரின் தந்தை ஆவார்.
மோடி விரும்புவது கிடைக்கட்டும்
அப்போது விழாவில் லதா பேசுகையில், இன்று தீபாவளித் திருநாள். இந்த நல்ல நாளில், மோடிக்கு நீங்களும், நானும் விரும்புவது கிடைக்க வேண்டும் என்று நான் ஆண்டவனிடம் பிராத்தித்துக் கொள்கிறேன். இந்தியாவின் பிரதர் இருக்கையில் நரேந்திர மோடி அமர வேண்டும் என்பதே எனது ஆசை.
மோடிக்கு நிஜமாக வேண்டும்
இது எனது விருப்பம் மட்டுமல்ல. அனைவரின் விருப்பமாகும். உங்களது கைத்தட்டல் அதை நிரூபிக்கிறது. மோடிக்கு அனைத்தும் நிஜமாக வேண்டும் என்று விரும்புகிறேன்.
மோடி என் தம்பி
மோடி எனது சகோதரர் போல. அவரிடம் பலமுறை நான் போனில் பேசியுள்ளேன். குஜராத்தி பாடல்களின் பதிவுகளையும் கூட அனுப்பியுள்ளேன். இந்த விழாவுக்கு யாரை அழைக்க வேண்டும் என்று நான் யோசித்தபோது என் மனதில் முதலில் வந்த பெயர் மோடிதான் என்றார் அவர்.
அக்காவின் அழைப்பு கெளரவமானது
நிகழ்ச்சியில் மோடி பேசுகையில், மங்கேஷ்கர் குடும்ப நிகழ்ச்சிக்கு, அதிலும் மருத்துவமனை திறப்புக்கு என்னை சிறப்பு விருந்தினராக அவர்கள் அழைத்துள்ளதை நான் பெரும் கெளரவமாக கருதுகிறேன். 6 மாதங்களுக்கு முன்பே லதா அக்காவிடமிருந்து எனக்கு கடிதம் வந்து விட்டது. இதயத்தைத் தொட்ட கடிதமாகும் அது. அதை எனது வாழ்க்கையின் பெரும் பரிசாக கருதுகிறேன் என்றார்.
ஆஷா போன்ஸ்லே
விழாவில் மங்கேஷ்கர் குடும்பத்தைச் சேர்ந்த ஆஷா போன்ஸ்லே, உஷா மங்கேஷ்கர், மீனா கடிகர், ஹிருதயநாத் மங்கேஷ்கர் ஆகியோரும் கலந்து கொண்டனர்.
Click it and Unblock the Notifications
Sign in with Google