ராதே மாவை தெரியும் லாதே மாவை தெரியுமா?: வீடியோவை பார்த்து சிரி சிரி சிரியுங்கள்
டெல்லி: பெண் சாமியார் ராதே மாவை கிண்டல் செய்து வெளியாகியுள்ள வீடியோ சமூக வலைதளங்களில் மிகவும் பிரபலம் ஆகியுள்ளது.
பெண் சாமியார் ராதே மா அடுத்தடுத்து சர்ச்சைகளில் சிக்கி வருகிறார். வரதட்சணை கொடுமை வழக்கில் அவரிடம் மும்பை போலீசார் இரண்டு முறை விசாரணை நடத்தியுள்ளனர். இந்த வழக்கில் அவர் மும்பை உயர் நீதிமன்றத்தில் முன்ஜாமீன் பெற்றுள்ளார்.
இந்நிலையில் ராதே மா அவரின் சீடர் ஒருவருடன் உறவு வைத்துக் கொள்ள கட்டாயப்படுத்தியதாக இந்தி நடிகை டாலி பிந்த்ரா குற்றம் சாட்டியுள்ளார். ராதே மாவை பலரும் சமூக வலைதளங்களில் கிண்டல் செய்து வருகிறார்கள்.
இந்த சூழலில் ராதே மாவை கிண்டல் செய்து சமூக வலைதளங்களில் வீடியோ ஒன்று வெளியாகியுள்ளது. அந்த வீடியோவில் பெண் ஒருவர் ராதே மா போன்று ஆடை அணிந்து, ஏகப்பட்ட மேக்கப் போட்டு அவரை போன்று பேசுகிறார். வீடியோவில் அவரின் பெயரை லா தே மா என்று வைத்துள்ளனர்.
நான் சாமியார் என்று யார் கூறியது. முதலில் நான் ஒரு வியாபாரி. பல நிறுவன அதிபர்களுக்கு அறிவுரை வழங்குகிறேன். எங்கள் நிறுவனத்தின் ஆப் கூட உள்ளது. அதன் பெயர் தரம்பாண்டா. அதன் மூலம் நான் பலரை ஆசிர்வாதம் செய்கிறேன் என்று லா தே மா தெரிவித்துள்ளார்.
பின்னர் பேட்டி எடுத்தவரையே உணர்ச்சியை தூண்டும் வகையில் தொட்டு அழைத்துச் செல்கிறார் லா தே மா.
Click it and Unblock the Notifications
Sign in with Google