மனைவிக்காக ரூ. 1 லட்சத்தில் 'வாட்டர் ப்ரூப்' சேலை வாங்கிய கர்நாடக முதல்வர்: வீடியோ இதோ

பெங்களூர்: பட்டுப்புடவை கடைக்கு சென்ற கர்நாடக முதல்வர் சித்தராமையா தனது மனைவிக்கு தண்ணீரை உறிஞ்சாத வகையில் தயாரிக்கப்பட்ட புடவையை பவாங்கினார்.

கர்நாடக மாநிலம் தேவனகிரியில் உள்ள பட்டுப்புடவை கடைக்கு அம்மாநில முதல்வர் சித்தராமையா சென்றார். கடையில் இருந்த நல்ல, நல்ல பட்டுப்புடவைகளை எல்லாம் அங்கிருந்தவர்கள் சித்தராமையாவிடம் எடுத்துக் காட்டினர்.

அதில் ஒரு பட்டுப்புடவை தண்ணீரை உறிஞ்சாத வகையில் தயாரிக்கப்பட்டது என்று தெரிவிக்கப்பட்டது. மேலும் கடையில் இருந்தவர்கள் புடவையில் தண்ணீரை ஊற்றி அதை எப்படி உறிஞ்சாமல் உள்ளது என்பதை சித்தராமையாவுக்கு செய்து காட்டினர்.

இதையடுத்து சித்தராமையா ஆரஞ்சு நிறத்தில் முற்றிலும் தங்க ஜரிகையால் ஆன பட்டுப்புடவையை தனது மனைவிக்காக வாங்கினார். அந்த புடவையின் விலை ரூ. 1 லட்சத்து 9 ஆயிரத்து 385 ஆகும்.

சித்தராமையா புடவை வாங்கியதும் பிற வாடிக்கையாளர்களும் தண்ணீரை உறிஞ்சாத புடவை கேட்டு வருகிறார்கள். சித்தராமையா புடவை வாங்கிய வீடியோ இணையதளத்தில் வெளியாகியுள்ளது.

English summary

Karnataka CM Siddaramaiah has bought a water proof silk saree worth more than a lakh for his wife.