லெனோவா இணையதளத்தைப் போட்டுத்தாக்கிய “லிசார்ட் ஸ்குவாட்” – ஹேக்கர்களின் அட்டகாசம்
டெல்லி: உலகின் மிகப்பெரிய கணினி தயாரிப்பு நிறுவனமான லெனோவா நிறுவனத்தின் இணையதளம் ஹேக்கர்களால் திடீரென்று முடக்கப்பட்ட சம்பவம் அதிர்வலைகளை ஏற்படுத்தியுள்ளது.
சோனி மற்றும் மைக்ரோசாப்ட் போன்ற ஜாம்பவான்களிடம் தன் கைவரிசையைக் காட்டிய "லிசார்ட் ஸ்குவாட்" லெனோவா இணையதளத்தை முடக்கியதற்கு பொறுப்பேற்றுள்ளது. இதன் உறுப்பினர்கள் பற்றி இதுவரை எந்த தகவலும் வெளியாகவில்லை.
லெனோவா இணையதளத்தின் வழக்கமான முகப்புப் பக்கத்தில் அத்துமீறியுள்ள ஹேக்கர்கள், அதில் "சூப்பர் பிஷ்" என்ற வைரஸ் மென்பொருளை நுழைத்துள்ளனர்.
இதனால் பல மணி நேரத்துக்கு அந்த இணையதளத்தை இயக்க முடியாத நிலை ஏற்பட்டதாக அந்த நிறுவனத்தின் வாடிக்கையாளர்கள் தெரிவித்தனர். பின்னர் சில மணி நேரங்களில் இணையதளம் வழக்கம்போல இயங்க தொடங்கியது.
ஹேக்கிங் செயலுக்கு டுவிட்டர் வழியாக பொறுப்பேற்ற லிசார்ட் ஸ்குவாட் என்ற ஹேக்கிங் குழு "எங்களால் அடைய முடியாத இடம் என்று எதுவும் இல்லை" என்று குறிப்பிட்டுள்ளது. இந்த ஹேக்கிங் நடவடிக்கைக்கான காரணம் குறித்து லெனோவா நிறுவனம் அதிகாரபூர்வமாக எந்த தகவலும் வெளியிடவில்லை.
Click it and Unblock the Notifications
Sign in with Google