சிஎஸ்கே vs குஜராத் ஐபிஎல் பைனல்.. இன்றாவது மேட்ச் நடக்குமா? வானிலை எப்படி? வெதர்மேன் தந்த வார்னிங்
அகமதாபாத்: ஐபிஎல் இறுதிப்போட்டி இன்று நடக்கும் அகமதாபாத் மைதானத்தில் வானிலை எப்படி இருக்கும் என்று தமிழ்நாடு வெதர்மேன் பிரதீப் ஜான் தெரிவித்துள்ளார்.
பெரும் எதிர்பார்ப்பிற்கு இடையில் ஐபிஎல் 2023 திருவிழா இன்று முடிவிற்கு வருகிறது. பல திருப்பங்கள், எதிர்பாராத வெற்றிகள், தோல்விகள் என்று பரபரப்பான மாற்றங்களுடன் இந்த தொடர் நடந்து முடிந்துள்ளது.
நேற்று நடக்க வேண்டிய ஆட்டம் மழை காரணமாக நடக்கவில்லை. தொடர்ந்து அகமதாபாத் மைதானத்தில் பெய்த் மழை காரணமாக நேற்று மேட்ச் நடக்கவில்லை. இந்த நிலையில் இன்று மேட்ச் நடக்கும் என்று எதிர்பார்க்கப்படுகிறது.
தமிழ்நாடு வெதர்மேன்: இந்த நிலையில் ஐபிஎல் இறுதிப்போட்டி இன்று நடக்கும் அகமதாபாத் மைதானத்தில் வானிலை எப்படி இருக்கும் என்று தமிழ்நாடு வெதர்மேன் பிரதீப் ஜான் தெரிவித்துள்ளார்.
நேற்று மைதானத்தில் மழை பெய்து கொண்டு இருந்த போது அது பற்றி தொடர்ச்சியாக தமிழ்நாடு வெதர்மேன் பிரதீப் ஜான் அப்டேட் கொடுத்துக்கொண்டு இருந்தார். மழை குறித்து விடாமல் முக்கிய அப்டேட்களை அவர் வழங்கி வந்தார்.
முதலில் 1 மணி நேரம் மழை பெய்யும் என்று கூறினார். அதன்பின் லேசான சாரல் மழை இருக்கும் என்று கூறி இருந்தார். ஆனால் எதிர்பார்க்காமல் வேறு மழை மேகங்கள் வந்ததால் அங்கு வானிலை மாறியதாக அவர் தெரிவித்தார்.
புதிய மழை மேகங்கள் தீவிரம் அடைந்த காரணத்தால் எதிர்பாராமல் மழை நீடித்ததாகவும் குறிப்பிட்டார். அவர் குறிப்பிட்டது போலவே நிற்பது போல இருந்த மழை தொடர்ந்து நீடித்தது.
இறுதியாக அவர் கொடுத்த அப்டேட்டில் 10.30 மணிக்கு மேட்ச் ஆரம்பிக்க முடியாது. அதற்கு பின்பு வேண்டுமானால் ஆரம்பிக்கலாம் என்றார் . ஆனால் அதற்கும் பின்பும் மைதானம் ஈரமாக இருந்த காரணத்தால் கடைசியில் ஆட்டம் கைவிடப்பட்டது.
இந்த நிலையில் இன்று நடக்கும் மேட்ச் தொடர்பாக வானிலை அப்டேட்டை வழங்கி உள்ளார் வெதர்மேன். அதில், தள்ளிவைக்கப்படும் போட்டிக்கா இவ்வளவு அப்டேட் கொடுத்து உள்ளோம். நாளையும் கொஞ்சம் மழை பெய்வதற்கான அறிகுறிகள் உள்ளன. மாலை நேரத்தில் மழை பெய்யும். ஆனால் இரவில் பெய்யாது என்று வெதர்மேன் கூறியுள்ளார்.
பைனல் மேட்ச்: இன்று நடக்கும் இறுதிபோட்டி குஜராத் அகமதாபாத் மைதானத்தில் நடக்கிறது. குஜராத் இடையே இதுவரை 3 போட்டிகளில் ஒன்றில் மட்டுமே சிஎஸ்கே வென்றுள்ளது. கடைசியாக குவாலிபயர் சுற்றில் நடந்த போட்டியில் சிஎஸ்கே அணி குஜராத் அணியை வீழ்த்தியது.
முன்னதாக இந்த சீஸனின் முதல் போட்டியிலோ குஜராத்தில் நடந்த குஜராத் அணிக்கு எதிரான போட்டியில் சிஎஸ்கே தோல்வி அடைந்தது. தற்போது அதே குஜராத் மைதானத்தில் சிஎஸ்கே அணி குஜராத் அணியை எதிர்கொள்ள உள்ளது.
இது ஹோம் மைதானம் என்பதால் சிஎஸ்கே அணிக்கு பிட்ச் எதிராக இருக்க வாய்ப்புகள் உள்ளன. இந்த பிட்ச் குஜராத் அணிக்கு சாதகமான பிட்ச். சென்னை பிட்ச் போல இது ஸ்லோவாக இருக்காது. அதனால் இன்று நடக்கும் ஆட்டம் மிகவும் சுவாரசியமாக இருக்கும் என்று எதிர்பார்க்கப்படுகிறது.
இன்று குஜராத் அணிக்கு எதிராக சிஎஸ்கே அணியில் ருதுராஜ் கெய்க்வாட், டெவோன் கான்வே, அஜிங்க்யா ரஹானே, அம்பதி ராயுடு, ஷிவம் துபே, மொயின் அலி, ரவீந்திர ஜடேஜா, எம்எஸ் தோனி (கேப்டன் & விக்கெட் கீப்பர்), தீபக் சாஹர், பத்திரனா, துஷார் தேஷ் பாண்டே, மகேஷ் தீக்ஷனா ஆகியோர் ஆட உள்ளனர் என்று கூறப்படுகிறது.
Click it and Unblock the Notifications
Sign in with Google