மோடியின் பிரதமர் கனவை கலைத்து, ராகுலை கடுப்பேற்றுவது யார் தெரியுமா?

By Siva

Updated: Monday, March 10, 2014, 11:24 [IST]

Subscribe to Oneindia Tamil

டெல்லி: பாஜக பிரதமர் மோடியின் தூக்கத்தையும், காங்கிரஸ் துணை தலைவர் ராகுல் காந்தியின் மன அமைதியையும் கெடுப்பது யார் என்று உங்களுக்கு தெரியுமா?

முன்னணி செய்தி தொலைக்காட்சியான ஹெட்லைன்ஸ் டுடே பாஜக பிரதமர் வேட்பாளர் நரேந்திர மோடி, காங்கிரஸ் துணை தலைவர் ராகுல் காந்தி, ரிலையன்ஸ் இன்டஸ்ட்ரீஸ் தலைவர் முகேஷ் அம்பானி ஆகியோரை ஆம் ஆத்மி கட்சி தலைவர் அரவிந்த் கெஜ்ரிவால் கொசு வடிவில் துரத்து, துரத்து என்று துரத்தும் காமெடி வீடியோவை வெளியிட்டுள்ளது.

அந்த வீடியோவில் கெஜ்ரிவால் செய்யும் சேட்டைகள் காமெடியாக உள்ளது.

மோடி

தன் படுக்கையில் படுத்து ஜனாதிபதி பிரணாப் பதவிப் பிரமாணம் செய்து வைக்க தான் பிரதமராக பதவி ஏற்பது போன்று மோடி கனவு காண்கிறார். அந்த நேரம் பார்த்து கெஜ்ரிவால் கொசு வடிவில் வந்து அவர் கனவை கலைத்து படாதபாடு படுத்துகிறார்.

கடுப்பு

கொசு வடிவில் இருக்கும் கெஜ்ரிவாலின் குற்றச்சாட்டுகளை கேட்டு கடுப்பான மோடி அவரை விரட்டிவிட்டு ஜன்னல் கதவுக்கு ஆணி அடித்துவிட்டு மீண்டும் தனது பிரதமர் கனவை தொடர்கிறார்.

அம்பானி

மோடியின் வீட்டில் இருந்து விரட்டப்பட்ட ஜெக்ரிவால் கொசு ரிலையன்ஸ் இன்டஸ்ட்ரீஸ் தலைவர் முகேஷ் அம்பானியின் சொகுசு வீட்டுக்கு செல்கிறது. அங்கு அவரை ஆத்திரமடையச் செய்கிறது அந்த கொசு. முகேஷ் கொசுத் தொல்லை தாங்க முடியாமல் தங்கக் காசுகளை கொட்டி வைத்த அறைக்குள் சென்று ஒளிந்து கொள்கிறார். உடனே கெஜ்ரிவால் கொசு அந்த அறையின் கதவை பூட்டிவிடுகிறது.

ராகுல்

ராகுல் காந்தி மேடையில் சீரியஸாக பேசிக் கொண்டிருக்கிறார். அப்போது அங்கு வரும் கெஜ்ரிவால் கொசு அவரை மிரண்டு ஓட வைக்கிறது.

தர்ணா

ஓட்டம் பிடிக்கும் ராகுல் துணிவை வரவழைத்துக் கொண்டு அந்த கொசுவை பிடித்து தூக்கி வீசுகிறார். உடனே அந்த கொசு போராடப் போகிறேன் என்று தர்ணா என்று எழுதப்பட்ட பிளக்கார்டை காட்டுகிறது.