டிரான்ஸ்பர் கேட்ட பெண்ணிடம் உறவு வைத்த கர்நாடக மாஜி அமைச்சர்.. அதிர்ச்சி வீடியோ வெளியானது எப்படி?

பெங்களூரு: கர்நாடக மாஜி அமைச்சர் எச்.ஒய்.மேட்டி தொடர்பான ஆபாச வீடியோ வெளியீட்டின் பின்னணியில் பெண் அரசியல்வாதி ஒருவரும், முன்னாள் காவல்துறை அதிகாரி ஒருவரும் இருப்பதாக தகவல்கள் வெளியாகியுள்ளன.

பணியிடமாற்றம் கேட்டு வந்த பெண்ணுக்கு பாலியல் தொல்லை கொடுத்ததாக கலால்துறை முன்னாள் அமைச்சர் எச்.ஒய்.மேட்டி (71 வயது) மீது குற்றச்சாட்டு எழுந்தது. இதையடுத்து அந்த பெண்ணிடம் அவர் உடலுறவு கொள்ளும் காட்சி கன்னட செய்தி டிவியில் வெளியாகி பரபரப்பை ஏற்படுத்தியது.

இதனையடுத்து முதல்வர் சித்தராமையாவை சந்தித்த மேட்டி, அமைச்சர் பதவியை ராஜினாமா செய்து கடிதம் அளித்தார். அதன்பின்னர், அமைச்சர் குறித்த வீடியோ தொடர்பாகவும், அமைச்சர் வீட்டில் வீடியோ கேமிராவை வைத்தது யார் என்பது தொடர்பாகவும் சிஐடி போலீசார் விசாரணை மேற்கொண்டு வருகின்றனர்.

இந்நிலையில், அமைச்சர் வீட்டில் கேமிராவை வைத்து ஆபாச வீடியோ எடுத்து வெளியிட்டதன் பின்னணியில் பல திடுக்கிடும் தகவல்கள் வெளியாகியுள்ளன. போலீசாரின் முதல் கட்ட விசாரணையில், அமைச்சரின் பாதுகாவலர் ஒருவர் மூலமே அவரது வீட்டில் கேமிரா பொருத்தப்பட்டுள்ளது என்று தகவல்கள் தெரிவிக்கின்றன.

பெண் அரசியல்வாதி, முன்னாள் காவல்துறை பெண் அதிகாரி, தகவல் அறியும் உரிமை சட்ட ஆர்வலர் என மூன்று பேரை தங்களது கண்காணிப்பு வளையத்துக்குள் போலீசார் கொண்டு வந்துள்ளதாக தெரிகிறது.

வீடியோ வெளியாவதற்கு முன்னர், எதிர்கட்சியை சேர்ந்த அந்த பெண் அரசியல்வாதிக்கும், தகவல் அறியும் உரிமை சட்ட ஆர்வலருக்கும் இடையே செல்போன் உரையாடல்கள் நடைபெற்றதாகவும், தகவல் அறியும் உரிமை சட்ட ஆர்வலரை அந்த பெண் அரசியல்வாதிக்கு, அவருடன் நட்பில் இருந்த காவல்துறை துறை முன்னாள் பெண் அதிகாரி ஒருவரே அறிமுகம் செய்து வைத்துள்ளார் என்றும் போலீசாரின் விசாரணையில் தெரியவந்துள்ளதாக தகவல்கள் தெரிவிக்கின்றன.

அமைச்சரை அச்சுறுத்தி காரியம் சாதிக்கவே இந்த வீடியோ எடுக்கப்பட்டதாகவும், பின்னர், ஏன் பொது வெளியில் அந்த வீடியோ வெளியிடப்பட்டது என்பது குறித்து தெரியவில்லை. இறுதிகட்டத்தில் உள்ள இந்த விசாரணையை விரைவில் முடித்து விட்டு, அரசிடம் போலீசார் அறிக்கை தாக்கல் செய்யவுள்ளனர் என்பது குறிப்பிடத்தக்கது.

English summary

A woman Political leader and a former police officer are under the scanner after for allegedly planting a camera in former minister, H Y Meti's residence who resigned after a sex tape became public. Informed sources tell OneIndia that several others too are behind planting the hidden camera in the former minister's house.