இப்படி ஒரு முடிவை எடுத்து இருக்கிறேன்.. அயோத்தி ராமர் கோவில் போயிட்டு வந்ததும் சொன்ன ரஜினிகாந்த்

அயோத்தி: அயோத்தி ராமர் கோவில் திறப்பு விழாவில் பங்கேற்க தனது மனைவி லதாவுடன் ரஜினிகாந்த் வருகை தந்தார். நிகழ்ச்சி முடிந்து திரும்பிய போது செய்தியாளர்களுக்கு பேட்டி அளித்த ரஜினிகாந்த், ஆண்டும் தோறும் அயோத்தி கோவிலுக்கு வருவேன்" என்று கூறினார்.

அயோத்தி ராமர் கோவில் திறப்பு விழாவில் பங்கேற்க நாடு முழுவதிலும் இருந்து முக்கிய பிரமுகர்கள் வருகை தந்தனர். திரைப்பிரபலங்கள், தொழில் அதிபர்கள், விளையாட்டு நட்சத்திரங்கள், என பல்வேறு தரப்பினருக்கும் அழைப்பு விடுக்கப்பட்டுள்ளது. அந்த வகையில், தமிழகத்தில் நடிகர் ரஜினிகாந்த், தனுஷ் உள்ளிட்டோருக்கு அழைப்பு விடுக்கப்பட்டு இருந்தது. இந்த அழைப்பின் பேரில் ரஜினிகாந்த், தனுஷ் உள்ளிட்டோர் அயோத்தி ராமர் கோவில் விழாவில் பங்கேற்றனர்.

கோவிலில் பிராண பிரதிஷ்டைக்குப் பிறகு பகவான் ராமரை தரிசித்தனர். அயோத்தி கோவிலில் தரிசனம் செய்த பிறகு டெல்லியில் செய்தியாளர்களுக்கு பேட்டி அளித்த நடிகர் ரஜினிகாந்த், இது ஒரு வரலாற்று சிறப்பு மிக்க நிகழ்ச்சியாகும். இந்த நிகழ்ச்சியில் பங்கு பெறும் அதிர்ஷ்டம் எனக்கு கிடைத்துள்ளது. இனி ஆண்டுதோறும் அயோத்தி ராமர் கோவிலுக்கு வருவேன்" என்றார்.

English summary

Rajinikanth visited Ayodhya with his wife Lata to participate in the inauguration of Ram Temple. Rajinikanth, who gave an interview to the media when he returned from the show, said that he will visit the Ayodhya temple every year.