ஒபாமா வரவேற்பு... ராணுவ அணிவகுப்புக்குத் தலைமை தாங்கி பீடு நடை போட்டு வந்த பூஜா தாக்கூர்!

டெல்லி: அமெரிக்க அதிபர் ஒபாமாவுக்கு இன்று குடியரசுத் தலைவர் மாளிகையில் கொடுக்கப்பட்ட அதிகாரப்பூர்வ அரசு மரியாதையின்போது பெண் ராணுவ அதிகாரி தலைமையில் அணிவகுப்பு மரியாதை கொடுக்கப்பட்டது.

பெண்களுக்கு முக்கியத்துவம் கொடுப்பவர் பிரதமர் மோடி. இந்த நிலையில் இன்றைய அணிவகுப்பு மரியாதையின்போது பெண் அதிகாரி ஒருவர் தலைமையில் அமெரிக்க அதிபருக்கு மரியாதை கொடுக்கப்பட்டது அனைவரையும் கவர்ந்தது.

இந்திய விமானப்படையின் விங் கமாண்டர் பூஜா தாக்கூர் தலைமையில் இந்திய வீரர்கள் அணிவகுப்பு மரியாதையில் கலந்து கொண்டனர்.

குடியரசுத் தலைவர் மாளிகையில் நடந்த அணிவகுப்பு மரியாதைக்கு பெண் அதிகாரி ஒருவர் தலைமை தாங்கியது இதுவே முதல் முறையாகும் என்பதால் இது வரலாற்று முக்கியத்துவம் வாய்ந்ததாக மாறியுள்ளது.

மேலும் நாளை நடைபெறவுள்ள குடியரசு தின விழா அணிவகுப்பிலும் கூட பெண்களே தலைமை தாங்குவார்கள் என்றும் கூறப்படுகிறது.

English summary

Days after Prime Minister Narendra Modi launched the Beti Bachao campaign, Wing Commander Puja Thakur of the Indian Air Force did India proud as she led the Guard of Honour at Rashtrapati Bhawan during the ceremonial reception for US President Barack Obama. This is the first time a woman officer has led the Guard of Honour for a major visiting dignitary at Rashtrapati Bhavan.