டெல்லியில் 2 மடங்கு விலைக்குப் போன ஆம் ஆத்மியின் 'துடைப்பம்'! ஸ்டாக்கே இல்லையாமே!!

டெல்லி: டெல்லி சட்டசபை தேர்தல் முடிவுகள் வெளியாகி வரும் நிலையில் ஆம் ஆத்மி கட்சியின் சின்னமான 'துடைப்பத்துக்கு' ஏக டிமாண்ட் ஆகிவிட்டது.. ரூ150 கொடுத்தால் கூட டெல்லி கடைகளில் துடைப்பம் கிடைப்பது பெரும் பாடாகிவிட்டதாம்..

டெல்லி சட்டசபை தேர்தலில் ஆம் ஆத்மி கட்சியே அதிக இடங்களைப் பெற்று ஆட்சியைக் கைப்பற்றும் என்றே கருத்து கணிப்புகள் கூறி வருகின்றன. இந்த வாக்கு எண்ணிக்கை தற்போது நடைபெற்று வருகிறது.

இந்நிலையில் கடந்த சில நாட்களாகவே ஆம் ஆத்மி கட்சியின் சின்னமான 'துடைப்பத்துக்கு' ஏக டிமாண்ட். வழக்கமான ரூ40 முதல் ரூ60 வரை விற்பனை செய்யப்பட்டு வந்த துடைப்பம் அதிரடியாக ரூ100 வரை விற்பனை செய்யப்பட்டுள்ளது.

பல கடைகளில் நேற்று இரவு ரூ120 தொடங்கி ரூ150க்கு வரைக்கும் கூட விற்பனையாகி இருக்கிறது. இதனால் 'துடைப்பம்' ஸ்டாக் இல்லாமல் போக கடை உரிமையாளர்கள் 'பல்க்' ஆர்டர் கொடுத்துவிட்டு 'பல்லை' கடித்துக் கொண்டு காத்திருக்கிறார்களாம்..

English summary

With exit polls projecting a decisive victory for Aam Aadmi Party in the Delhi Assembly elections, prices of brooms in the capital has risen sharply owing to heavy demand from party workers.