ஹேப்பி நியூ இயர் படத்துக்குக் கூட்டிப் போக மறுத்த கணவர்.. ஆசிட்டைக் குடித்த மனைவி!

மும்பை: தனது கணவர், ஷாருக் கான் நடித்த ஹேப்பி நியூ இயர் படத்துக்குத் தன்னைக் கூட்டிக் கொண்டு போக மறுத்து விட்டதால் வேதனை அடைந்த 21 வயது பெண் ஆசிடை எடுத்துக் குடித்து விட்டார். அவரை தற்போது மருத்துவமனையில் சேர்த்துள்ளார் கணவர்.

மத்தியப் பிரதேச மாநிலம் கனியா தானா என்ற இடத்தில் இந்த சம்பவம் நடந்துள்ளது. தற்போது உடல் உள்ளுறுப்புகள் வெந்து போன நிலையில் அந்தப் பெண் உயிருக்குப் போராடி வருகிறார். அவரது உடல் உள்ளுறுப்புகள் பொசுங்கிப் போய் விட்டதாக மருத்துவர்கள் கூறியுள்ளனர்.

அப்பெண்ணின் பெயர் நேஹா சென். இவரது கணவர் பெயர் விஷால். அங்கு தீபாவளிக்கு வெளியான ஹேப்பி நியூ இயர் படத்தைப் பார்க்க விரும்பி கணவரிடம் கூறியுள்ளார் நேஹா. ஆனால் கூட்டம் அதிகம் இருப்பதால் பிறகு பார்க்கலாம் என்று கணவர் கூறியுள்ளார். இதனால் கடும் ஏமாற்றமடைந்தார் நேஹா. படத்துக்குக் கூட்டிச் செல்லவில்லையே என்று வேதனை அடைந்து ஆசிடை எடுத்துக் குடித்து விட்டார்.

தற்போது அவரை குவாலியர் மருத்துவமனையில் சேர்த்து தீவிர சிகிச்சை அளித்து வருகின்றனர்.

ஒரு சினிமாவுக்கு சமமானதா உயிர்?.. என்ன கொடுமை!

English summary

A 21-year-old married woman allegedly consumed acid after her husband reportedly refused to take her to watch the Shah Rukh Khan-starrer ‘Happy New Year’. The incident took place at Khaniya Dana, north of Bhopal, Madhya Pradesh. She is currently in a very critical condition as her internal organs were burnt due to the acid, reports stated.