கர்நாடக ஜனதா கட்சியை ஒழிக்க பாஜக முயற்சி: எதியூரப்பா

பெங்களூர்: கர்நாடக ஜனதா கட்சியை ஒழிக்க பாரதிய ஜனதா கட்சியில் சிலர் முயற்சிக்கின்றனர் என்று அக்கட்சித் தலைவர் எதியூரப்பா குற்றம்சாட்டியுள்ளார்.

பெங்களூரில் நேற்று செய்தியாளர்களிடம் பேசிய எதியூரப்பா, நரேந்திரமோடி பிரதமர் ஆக வேண்டும் என்பது தான் எங்கள் விருப்பம். அதனால்தான் தேசிய ஜனநாயக கூட்டணியில் இடம் பெற நாங்கள் முடிவு செய்துள்ளோம். பாரதிய ஜனதாவுடன் கர்நாடக ஜனதாவை இணைக்கும் பேச்சுக்கே இடமில்லை. இது தொடர்பாக வெளியாகும் செய்திகள் உண்மைக்கு புறம்பானவை.

பாரதிய ஜனதாவில் உள்ள சிலரின் சதியால் வதந்திகள் பரப்பப்படுகின்றன. கட்சி தொண்டர்கள் யாரும் குழப்பம் அடைய வேண்டாம். கர்நாடக ஜனதாவில் இருந்து யார் வெளியேறினாலும் அதுபற்றி கவலை இல்லை. எந்த கட்சியில் தங்களுக்கு அரசியல் எதிர்காலம் உள்ளது என்று கருதுகிறார்களோ அங்கு நிர்வாகிகள் செல்லலாம்.

கர்நாடக ஜனதாவை பலமான மாநில கட்சியாக உருவாக்க வேண்டும் என்பதே எனது குறிக்கோள். லோக்சபா தேர்தலில் 5 தொகுதிகளில் போட்டியிட முடிவு செய்துள்ளோம் என்றார் அவர்.

English summary

Karnataka Janata Paksha (KJP) President B.S. Yeddyurappa on Tuesday categorically ruled out any possibility of his party merging with the Bharatiya Janata Party (BJP) and alleged that some BJP leaders were attempting to divide the KJP by wooing second-rung leaders on the premise that Mr. Yeddyurappa’s return to BJP was certain.