ஒரே நேரத்தில் 9.5 லட்சம் பேர் யோகாசனம்.. லிம்கா சாதனை புத்தகத்தில் என்.சி.சி இடம் பிடிப்பு

டெல்லி: ஒன்பதரை லட்சம் பேர் ஒரே நேரத்தில் யோகாசனத்தில் ஈடுபட்டதன் விளைவாக இந்திய என்.சி.சி அமைப்பு லிம்கா சாதனை புத்தகத்தில் இடம்பிடித்துள்ளது.

உலக (முதல்) யோகா தினமான கடந்த ஜூன் 21ம் தேதி, பிரதமர் நரேந்திரமோடி தலைமையில் டெல்லியில் பல்லாயிரக்கணக்கானோர் பங்கேற்ற யோகா நிகழ்ச்சி நடத்தப்பட்டது. அதுபோல, என்.சி.சி அமைப்பும் பிரமாண்ட யோகாசன நிகழ்ச்சிகளை நடத்தியது.

#IYD2015 #NCC receives certificate by Limca Book of Records for the Largest Yoga Performance on 21 June 2015. pic.twitter.com/9C6kK1Ai8G

— Sitanshu Kar (@SpokespersonMoD) September 24, 2015

தெற்கே நாகர்கோயில், வடக்கே லே, கிழக்கே தேஜு, மேற்கே துவாரகா மற்றும் அந்தமான் நிகோபார் தீவுகள் உள்ளிட்ட 1767 இடங்களில் ஒரே நேரத்தில் என்.சி.சி யோகா நடத்தியது. இதில் மொத்தம் 9 லட்சத்து 50 ஆயிரத்து 210 பேர் பங்கேற்றனர்.

இந்த பிரமாண்ட நிகழ்ச்சிக்காக, லிம்கா சாதனை புத்தகத்தில் அந்த நிகழ்வு இடம்பிடித்துள்ளது. இதற்கான சான்று, என்சிசி, லெப்டினன்ட் ஜெனரல் சக்கரவர்த்தியிடம் வழங்கப்பட்டது. அதை அவர் மத்திய பாதுகாப்பு அமைச்சர் மனோகர் பாரிக்கரிடம் வழங்கினார்.

English summary

NCC created the Limca book of record with 9,50,210 cadets performing Yoga simultaneously at 1767 venues pan-India on 21 June 2015