விரைவில் செல்போன்களுக்கு 11 இலக்க எண்கள் அறிமுகம்
டெல்லி: நம்பர் பற்றாக்குறையை சமாளிக்க 11 இலக்க எண்களை விரைவில் அறிமுகப்படுத்த தொலைத்தொடர்பு துறை முடிவு செய்துள்ளதாக தகவல்கள் வெளியாகியுள்ளன.
இந்தியாவில் செல்போன் பயன்படுத்துவொரின் எண்ணிக்கை நாளுக்கு நாள் அதிகரித்துக்கொண்டே வருகிறது. தற்போது செல்போன் பயன்படுத்துவோரின் எண்ணிக்கை 103 கோடியாக அதிகரித்துள்ளது. செல்போன்களுக்கு 10 இலக்க எண்கள் தற்போது நடைமுறையில் உள்ளன.
கடந்த 2003-ம் ஆண்டு 10 இலக்க எண்களை அறிமுகப்படுத்திய தொலைதொடர்பு துறை, அடுத்த 30 ஆண்டுகளுக்கு இந்த எண்களை பராமரிக்க முடிவு செய்திருந்தது. ஆனால் செல்போன் பயன்பாடு மற்றும் தொலைதொடர்பு துறையின் அளவற்ற வளர்ச்சியால் செல்போன் வாடிக்கையாளர்களின் எண்ணிக்கை எதிர்பாராத அளவுக்கு அசூர வேகத்தை எட்டியுள்ளது.
இதனால் செல்போன் நிறுவனங்களுக்கு 10 இலக்க எண்களை அளிப்பதில் விரைவில் சிக்கல் ஏற்படலாம் என எதிர்பார்க்கப்படுகிறது. இதனை கருத்தில் கொண்டு 11 இலக்க எண்களை விரைவில் அறிமுகப்படுத்த தொலைதொடர்பு துறை முடிவு செய்துள்ளது. இந்தியாவின் மொத்த மக்கள் தொகை சுமார் 130கோடியாக உள்ள நிலையில் செல்போன் பயன்பாட்டாளர்களின் எண்ணிக்கை 90 சதவீதத்தை எட்டியுள்ளது.
Click it and Unblock the Notifications
Sign in with Google