அட பக்கி.. பெண்ணிடம் இப்படியா வீரத்தைக் காட்டுவது.. "ஷாக்" வீடியோ!
மத்திய பிரதேச மாநிலம் இந்தூரில் உடற்பயிற்சி கூடம் ஒன்றில் ஆண் ஒருவர் இளம்பெண்ணை தாக்கும் அதிர்ச்சி வீடியோ காட்சிகள் வெளியாகியுள்ளன.
இந்தூர்: ஜிம்மில் இளைஞர் ஒருவரின் செயல்பாடுகள் குறித்து புகார் சொன்னதற்காக இளம்பெண்ணை அந்த இளைஞர் சரமாரியாக தாக்கும் அதிர்ச்சி வீடியோ வெளியாகியுள்ளது.
மத்திய பிரதேச மாநிலம் இந்தூரில் உள்ள பிரபல ஜிம் ஒன்றில் நடந்த காட்சிகள் அங்குள்ள சிசிடிவி கேமராவில் பதிவாகியுள்ளன. அதில், ஒரு இளம்பெண் இளைஞர் ஒருவரிடம் அவரின் செயல்பாடுகள் குறித்து ஏதோ கூறுகிறார். இதனால் கோபமடைந்த அந்த இளைஞர் பெண்ணின் தலையில் ஓங்கி ஒரு அடி அடித்ததில் அந்தப் பெண் வலி தாங்காமல் தலையை பிடித்துக்கொண்டு கீழே உட்காருகிறார்.
இதனையடுத்து உடற்பயிற்சிக் கூடத்தில் இருந்த சக ஆண்கள் அருகில் வந்து என்ன விஷயம் என்று கேட்பதற்குள் அந்த இளைஞர் மீண்டும் அந்தப் பெண்ணை தனது காலால் ஓங்கி அவருடைய முட்டிக்காலில் ஒரு உதை விடுகிறார். இதனால் அந்தப் பெண் மேலும் வலி பொறுக்க முடியாமல் கதறும் காட்சிகள் கேமராவில் பதிவாகியுள்ளது.
ஒரு பெண்ணை இந்த அளவிற்கு மூர்க்கத்தனமாக தாக்குவதற்கு என்ன காரணம் என்று போலீசார் விசாரித்து வருகின்றனர். ஆனால் இது குறித்து வழக்கு பதிவு செய்யப்பட்டுள்ளதா என்ற விவரங்கள் எதுவும் வெளியாகவில்லை. எனினும் இளம்பெண் ஒருவர் தாக்கப்படும் காட்சிகள் அனைவர் மனதிலும் அதிர்ச்சியை ஏற்படுத்தியுள்ளது.
டெல்லி விமான நிலையம் அருகில் உள்ள ஐந்து நட்சத்திர ஓட்டலில் பெண் பணியாளரின் சேலையை பிடித்து இழுத்த அதிகாரி குறித்த சிசிடிவி காட்சிகள் நேற்று வெளியாகி பரபரப்பை ஏற்படுத்தின. அதே போன்று இன்று வெளியாகியுள்ள இந்தக் காட்சிகள் பெண்களுக்கும் எங்குமே பாதுகாப்பு இல்லையோ என்ற கேள்வியை எழுப்பியுள்ளது.
Click it and Unblock the Notifications
Sign in with Google