காதலித்த பெண்ணின் ஆபாச புகைப்படத்தை அப்லோடு செய்த காதலன்: நண்பனுடன் கைது

திருவனந்தபுரம்: காதலி ஏமாற்றியதால் ஆத்திரமடைந்த காதலன் அந்த பெண்ணின் ஆபாச படங்களை பேஸ்புக், வாட்ஸ்ஆப்பில் வெளியிட்டு பழிவாங்கியுள்ளார் எர்ணாகுளத்தைச் சேர்ந்த காதலன். போலீசில் அளிக்கப்பட்ட புகாரினை அடுத்து காதலனை கைது செய்துள்ளனர்.

எர்ணாகுளம் அருகே கோதமங்களம் பகுதியை சேர்ந்தவர் அருண். இவரது நண்பர் விவேக். எர்ணாகுளத்தில் உள்ள ஒரு தனியார் நிறுவனத்தில் அருண் வேலை பார்த்து வந்தார். அங்குள்ள தனியார் மருத்துவமனையில் சேர்ந்தலா பகுதியை சேர்ந்த ஒரு இளம்பெண் நர்சாக பணிபுரிந்து வந்தார். இருவரும் அடிக்கடி சந்தித்து கொண்டதால் ஆரம்பத்தில் பழக்கம் ஏற்பட்டு நாளடைவில் அது காதலானது. மலர்ந்தது. தீவிரமாக காதலித்த அவர்கள் அடிக்கடி தனிமையில் சந்தித்து உல்லாசமாக இருந்தனர். இந்த நிலையில் இவர்கள் இருவருக்கும் இடையே சிக்கல் ஏற்படவே, அருணை சந்திப்பதை இளம்பெண் தவிர்த்தார்.

இதனால் ஆத்திரம் அடைந்த அருண், காதலித்த போது மறைவாக எடுத்து வைத்திருந்த ஆபாச படங்களை பேஸ்புக், வாட்ஸ் ஆப் உள்ளிட்ட இணையதளங்களில் வெளியிட்டார். இதுகுறித்து தகவல் அறிந்ததும் அந்த இளம்பெண் சேர்ந்தலா போலீசில் புகார் அளித்தார். உடனடியாக வழக்கு பதி்வு செய்த போலீசார் அருண் மற்றும் அவருக்கு உதவிய நண்பர் விவேக் ஆகியோரை அதிரடியாக கைது செய்தனர்.

English summary

2 Youth arrested for uploading woman's obscene Photo in social media.