என்னங்கடா இது.. புது தினுசு கடத்தலா இருக்கே.. தலையை பார்த்து வாய் பிளந்த கேரளா!
மலப்புரம்: "என்னங்கடா இது புது தினுசு கடத்தலா இருக்கே" என்று இளைஞரின் ஹேர் ஸ்டைலை பார்த்து கேரள மக்கள் ஆச்சயரித்தில் உள்ளனர்.
மலப்புரம் பகுதியை சேர்ந்தவர் நௌஷத். இவர் ஷார்ஷாவில் இருந்து ஃப்ளைட் மூலம் கொச்சி ஏர்போர்ட் வந்தார். இவரை பார்த்ததுமே அங்கிருந்த அதிகாரிகளுக்கு சந்தேகம் வந்துவிட்டது.
மற்றவர்களாக இருந்தால், அவர்களின் பெட்டி, படுக்கை என சோதனை செய்து, நடவடிக்கைகளை வைத்து அதன் பிறகே அவர்கள் தங்கம் கடத்தி வந்தவர்களா என்பதை கண்டுபிடிப்பார்கள். ஆனால் நௌஷத் விஷயத்தில் அப்படி இல்லை. பார்த்ததுமே டவுட் வந்து விட்டது போலீசாருக்கு. அதற்கு காரணம் அவர் ஹேர் ஸ்டைல்தான்!
அதாவது தலையின் ஒரு குறிப்பிட்ட ஒரு ஏரியாவில் மட்டும் முடியை வழித்து எடுத்து விட்டிருந்தார். வழித்து எடுத்த அந்த இடத்தில் ஒரு விக் வைத்துள்ளார். அந்த விக்குக்கு அடியில்தான் தங்கத்தை பதுக்க வைத்து கடத்தி வந்துள்ளார்.
Naushad arrested in Kochi airport for smuggling gold concealed in his head. pic.twitter.com/XLVhF9YTD1
— ചാത്തൂട്ടി (@chathootti) October 4, 2019
இளைஞன் ஒருவன் இப்படி ஹேர் ஸ்டைலில் வருவது சாதாரண விஷயம்தான். அதனால் மாட்டி கொள்ளவே மாட்டோம் என்று வித்தியாசமான கெட்-அப்பில் வந்து.. சரியாக மாட்டிக் கொண்டார். அந்த மண்டையில், 1.13 கிலோ தங்கம் மறைந்திருந்தது. அதனை கைப்பற்றிய அதிகாரிகள், நெஷளத்திடம் விசாரணை மேற்கொண்டு வருகிறார்கள்.