யு.எஸ்.: 10 வயதில் ஹை ஸ்கூல் படிப்பை முடித்த இந்திய வம்சாவளி ஜீனியஸ்- அதிபராக ஆசை
கலிபோர்னியா: அமெரிக்காவில் வெறும் 10 வயதில் இந்திய வம்சாவளி சிறுவன் உயர் நிலைப்பள்ளி படிப்பை முடித்துள்ளார்.
அமெரிக்காவின் கலிபோர்னியா மாநிலத்தில் உள்ள சாக்ரமென்டோவில் வசித்து வருபவர் தனிஷ்க் ஆப்ரஹாம்(10). 7 வயதில் இருந்து வீட்டில் இருந்தே கல்வி கற்று வரும் அவர் படிப்பில் கெட்டிக்காரர். இந்நிலையில் சிறுவன் 10 வயதில் உயர் நிலைப்பள்ளி படிப்பை வெற்றிகரமாக முடித்துள்ளார். அவர் அதற்கான சான்றிதழை ஞாயிற்றுக்கிழமை கலிபோர்னியா ஆட்டோ மியூசியத்தில் நடந்த நிகழ்ச்சியில் பெற்றுக் கொண்டார்.
இது குறித்து தனிஷ்க் கூறுகையில்,
நான் உயர் நிலைப்பள்ளி படிப்பை முடித்ததில் மகிழ்ச்சி. நான் கம்யூனிட்டி கல்லூரி படிப்பை அடுத்த செமஸ்டரில் முடிக்கவிருக்கிறேன். அதன் பிறகு நான் பல்கலைக்கழகத்திற்கு சென்று படிப்பேன். நான் யுசி டேவிஸ் கல்லூரியில் மருத்துவம் படிக்க விரும்புகிறேன். நான் கின்டர் கார்டனில் படிக்கும்போதே 2வது மற்றும் 3ம் வகுப்பு புத்தகங்களை வாசிப்பேன். அவர்களின் கணக்குகளை போடுவேன். நான் விஞ்ஞானி அல்லது டாக்டராக வேண்டும். எனக்கு அதிபர் ஆகும் எண்ணமும் உண்டு என்றார்.
கம்யூனிட்டி கல்லூரிகள் என்பது ஜூனியர் கல்லூரிகள் ஆகும். அங்கு 2 ஆண்டுகள் படித்த பிறகு மாணவர்கள் கல்லூரிகளுக்கு சென்று படித்து பட்டம் பெறுவார்கள்.
Click it and Unblock the Notifications
Sign in with Google