'ஸ்கை டைவிங்’ செய்து... அந்தரத்தில் 100வது பிறந்தநாளைக் கொண்டாடிய பாட்டி!

கேப் டவுன்: தென்னாப்பிரிக்காவில் 100 வயது மூதாட்டி ஒருவர், ‘ஸ்கை டைவிங்' செய்து தனது 100வது பிறந்தநாளைக் கொண்டாடியுள்ளார்.

தென் ஆப்பிரிக்காவை சேர்ந்தவர் ஜியோர்ஜினா ஹெவுட் என்ற மூதாட்டி. சிறு வயது முதலே ஸ்கை டைவிங் செய்வதில் அதீத ஆர்வம் கொண்டவர் ஹெவுட்.

கடந்த 2007ம் ஆண்டு தனது 92 வயதில், அந்நாட்டு மீட்புகுழுவினர்களுக்கு உபகரணங்கள் வாங்க நிதி திரட்டுவதற்காக ஹெவுட் ஸ்கை டைவிங் செய்தார்.

இந்நிலையில், கடந்த செவ்வாய்கிழமை அன்று ஹெவுட் தனது 100வது பிறந்தநாளைக் கொண்டாடினார். தனது பிறந்தநாளை உலக மக்கள் அனைவரும் பேச வேண்டும் எனக் கருதிய ஹெவுட், ஓடும் விமானத்தில் இருந்து ‘ஸ்கை டைவிங்' மூலம் கீழே குதித்து இளைஞர்களையும் இளம் பெண்களையும் வியப்பில் ஆழ்த்தினார். ஜேசன் பேக்கர் என்பவரின் துணையுடன் இந்த சாதனையை ஹெவுட் வெற்றிகரமாக செய்து முடித்தார்.

ஹெயிட்டின் 100வது பிறந்தநாளை முன்னிட்டு அவருடன் சேர்ந்து, அவரது குடும்பத்தினர் 15 பேரும் ஸ்கை டைவிங் செய்தனர் என்பது குறிப்பிடத்தக்கது.

English summary

Georgina Haywood of South Africa celebrated her 100th birthday by skydiving.