100 வயது தாத்தாவின் பிறந்தநாள் ஆசை... 13,000 அடி உயரத்தில் இருந்து குதித்தார்!

Published: Wednesday, November 6, 2013, 13:15 [IST]

Subscribe to Oneindia Tamil

கலிபோர்னியா: அமெரிக்க தாத்தா ஒருவர் தனது 100வது பிறந்தநாளை, 13 ஆயிரம் அடி உயரத்தில் இருந்து பாராசூட்டில் குதித்து கொண்டாடியுள்ளார்.

ஒவ்வொருவரும் தனது பிறந்தநாளை வித்தியாசமாகக் கொண்டாட வேண்டும் என விரும்புவார்கள் தான். அந்த வகையில் அமெரிக்க தாத்தா ஒருவர் தனது 100 வது பிறந்த நாளை எப்படிக் கொண்டாடியுள்ளார் எனப் பாருங்கள்.

அமெரிக்கத் தாத்தா....

அமெரிக்காவின் தெற்கு கலிபோர்னியாவை சேர்ந்த வெர்னான். மேனார்டு என்ற முதியவர் கார் விற்பனை செய்யும் தொழில் செய்து வருகிறார்.

100வது பிறந்தநாள்....

பாராசூட் வீரரான வெர்னான் சமீபத்தில் இவர் தனது 100வது பிறந்தநாளை கொண்டாடினார். வெர்னானின் 100வது பிறந்தநாளை வித்தியாசமாகக் கொண்டாட விரும்பினார்கள் அவரது நண்பர்கள்.

ஸ்கை டைவிங்...

அதை தொடர்ந்து, பிறந்த தினத்தன்று கலிபோர்னியாவில் உள்ள பெர்ரிஸ் நகரில் விண்ணில் பறந்த விமானத்தில் 13 ஆயிரம் அடி உயரத்தில் இருந்து பாராசூட் மூலம் தரையில் குதித்து சாதனை படைத்தார் வெர்னான். வெர்னானுடன், பயிற்சியாளரும் உடன் குதித்து உதவி புரிந்தார்.