தாய்க்கு பிரசவம் பார்த்து தம்பி பாப்பாவை வெளியே எடுத்த 11 வயது சிறுவன்
மரியட்டா: ஜார்ஜியாவைச் சேர்ந்த பெண் ஒருவருக்கு அவரின் 11 வயது மகன் பிரசவம் பார்த்த அதிசயம் நடந்துள்ளது.
அமெரிக்காவின் ஜார்ஜியா மாநிலத்தில் உள்ள மரியட்டாவைச் சேர்ந்தவர் கென்யார்தா ட்யூக்ஸ். அவருக்கு ஜேம்ஸ் ட்யூக்ஸ் என்ற 11 வயது மகன் உள்ளார். இந்நிலையில் கென்யார்தா இரண்டாவது முறையாக கர்ப்பம் ஆனார்.
கடந்த வாரம் கென்யார்தாவின் கணவர் வேலைக்கு சென்றுவிட்டார். வீட்டில் ஜேம்ஸும், கென்யார்தாவும் தான் இருந்துள்ளனர். அப்பொழுது நிறைமாத கர்ப்பிணியான கென்யார்தாவுக்கு திடீர் என்று பிரசவ வலி ஏற்பட்டது.
இதையடுத்து ஜேம்ஸ் தனது தாய்க்கு பிரசவம் பார்த்தார். ஜேம்ஸின் உதவியுடன் கென்யார்தா ஆண் குழந்தையை பெற்றெடுத்தார். அந்த குழந்தைக்கு ராயல் ட்யூக்ஸ் என பெயர் வைத்துள்ளனர்.
குழந்தை பிறந்த பிறகு ஜேம்ஸ் 911க்கு போன் செய்து வீட்டில் தம்பி பாப்பா பிறந்துள்ளதாகவும், ஆம்புலன்ஸை அனுப்பி வைக்குமாறும் தெரிவித்துள்ளார். அதற்கு அவர்கள் சுத்தமான துணியை எடுத்து குழந்தையின் முகம், உடலை துடைக்குமாறு கூறியுள்ளனர்.
இது குறித்து கென்யார்தா கூறுகையில்,
என் மகன் தான் எனக்கு உதவியாக இருந்தார். அவர் ஒரு ஏஞ்சல். அவர் தான் என் மருத்துவராக இருந்தார். அவரே என் சூப்பர் ஹீரோ என்றார்.
Click it and Unblock the Notifications
Sign in with Google