புளூட்டோவை "பிளாக் அன்ட் ஒயிட்"ல பார்த்திருப்பீங்க.. கலர்ல பார்த்திருக்கீங்களா...??
வாஷிங்டன் : புளூட்டோவை ஆராய நாசா அனுப்பியுள்ள நியூ ஹொரைசன்ஸ் விண்கலம், முதல் முறையாக புளூட்டோவின் வண்ண நிற படங்களை படம் பிடித்து அனுப்பியுள்ளது.
சுமார் 9 ஆண்டுகளுக்கு முன் அமெரிக்க விண்வெளி ஆய்வு நிறுவனமான நாசாவால் புளூட்டோ கிரகம் குறித்து ஆராய அனுப்பப்பட்டது நியூ ஹொரைசன்ஸ் (New Horizons) என்ற ஆளில்லா விண்கலம்.
தற்போது புளூட்டோவில் இருந்து சுமார் 71 மில்லியன் மைல் தூரத்தில் இருந்தபடி, அதனை வண்ணமயமாக புகைப்படம் எடுத்துள்ளது ஹொரைசன்ஸ். புளூட்டோவோடு சேர்த்து அதன் பெரிய நிலவான சாரோனையும் அது புகைப்படம் எடுத்துள்ளது.
புளூட்டோ கிரகம் தொடர்பான முதல் வண்ணப் புகைப்படம் இது என்பது குறிப்பிடத்தக்கது. அந்த வகையில் இந்தப் படம் முக்கியத்துவம் பெற்றுள்ளது. இந்த ஆண்டின் மிகப் பெரிய விண்வெளி நிகழ்வுகளில் ஒன்றாகவும் இது மாறியுள்ளது.
ஜூலை மாதம் புளூட்டோ கிரகத்தைத் தாண்டிச் செல்லவுள்ளது நியூ ஹொரைசன்ஸ். அப்போது இன்னும் அருகாமையில் புளூட்டோவைப் படம் பிடிக்கவுள்ளது இந்த விண்கலம். இதனால் புளூட்டோவை மிகவும் நெருக்கமாக பார்க்கும் வாய்ப்பு மனிதர்களுக்குக் கிடைக்கும்.
புளூட்டோ முன்பு 9 கிரகங்களில் ஒன்றாக அங்கீகரிக்கப்பட்டிருந்தது. பின்னர். இதை குள்ள கிரகமாக அறிவித்து 9 கிரகங்களின் பட்டியலிலிருந்து நீக்கி விட்டனர் என்பது நினைவிருக்கலாம்.
Click it and Unblock the Notifications
Sign in with Google