சந்து கேப்பில் இளவரசர் ஹாரிக்கு உதட்டில் நச்சென்று இச்சு கொடுத்த பெண்

சிட்னி: ஒரு மாத ராணுவ பயிற்சியை முடித்துக் கொண்டு கிளம்பும் இங்கிலாந்து இளவரசர் ஹாரியிடம் தன்னை திருமணம் செய்து கொள்ளுமாறு கூறிய 21 வயது பெண் அவருக்கு உதட்டில் முத்தம் கொடுத்தார்.

இங்கிலாந்து இளவரசர் ஹாரி ராணுவ பயிற்சி எடுக்க ஆஸ்திரேலியா சென்றார். தனது பயிற்சியை முடித்துவிட்ட அவர் இங்கிலாந்து கிளம்புகிறார். இந்நிலையில் இங்கிலாந்து கிளம்பும் ஹாரி இன்று சிட்னி ஓபரா ஹவஸில் நடந்த நிகழ்ச்சியில் கலந்து கொண்டார்.

அப்போது ராணுவ உடையில் இருந்த ஹாரியை பார்த்த 21 வயது விக்டோரியா மெக்ரீ என்ற பெண் தன்னை திருமணம் செய்து கொள்ளுமாறு ஒரு பிளக்கார்டில் எழுதி அதை இளவரசரிடம் காட்டினார். அவர் இதற்கு முன்பும் 2 முறை ஹாரியிடம் இதே கேள்வியை கேட்டுள்ளார்.

இம்முறையும் ஹாரி பதில் அளிக்கவில்லை. ஒரு முத்தமாவது கொடுக்கலாமா என்று விக்டோரியா கேட்டதற்கு ஹாரி ஓகே என்று கூறினார். ஹாரி கன்னத்தில் முத்தம் கொடுக்க அனுமதி கொடுத்தார்.

விக்டோரியாவோ கிடைத்த வாய்பை பயன்படுத்தி ஹாரியின் உதட்டில் முத்தம் கொடுத்துவிட்டார். ஹாரிக்கோ வெட்கம் தாங்க முடியாமல் முகம் சிவந்துவிட்டது. விக்டோரியா ஒரு பெண் குழந்தைக்கு தாய் என்பது குறிப்பிடத்தக்கது.

தனது அண்ணன் வில்லியமின் மகள் சார்லட் எலிசபெத் டயானாவை பார்க்க ஆசையாக உள்ளதாகவும். குட்டி டயானாவுக்காக பார்த்து பார்த்து பொம்மைகள் வாங்கி வைத்துள்ளதாகவும் ஹாரி தெரிவித்தார்.

English summary

A 21-year old woman has locked lips with Prnce Harry after asking the royal to marry her.